جنوبی ہند کے سپر اسٹار پربھاس اس وقت اپنی آنے والی ہارر کامیڈی فلم دی راجا صاحب کے لیے خبروں میں ہیں۔ فلمسازوں نے اس کا نیا ٹریلر جاری کیا ہے جس میں بہت سے رازوں سے پردہ اٹھایا گیا ہے۔

تیلگو اداکار پربھاس اپنی آنے والی ہارر کامیڈی فلم راجا صاحب کے لیے کافی عرصے سے خبروں میں ہیں۔فلمسازوں  نے  اس کے  ٹریلر کی ریلیز کی تاریخ کا اعلان کیا اور اس کے بعد  اس کا ٹریلر  جاری کیاگیا۔

 اسے دیکھنے کے بعد  یہ واضح ہے کہ راجا صاحب سنیما گھروں اور تھیٹرس میں ہٹ ثابت ہوگی۔ آئیے پربھاس کی  راجا صاحبکا تازہ ترین ٹریلر دیکھ کر فلم کی منفرد کہانی کو دریافت کریں۔
 دی راجا صاحبکا مزاحیہ ٹریلر جاری کر دیا گیا ہے
فلم  دی راجا صاحب  کے ٹریلر میں  پربھاس کے کردار کو ایک آبائی حویلی کے وارث کے طور پر دیکھا جاتا ہے۔ وہ حویلی کے کھنڈرات میں داخل ہوتا ہے جو برسوں سے بند ہے۔ اندر پہنچنے پر، اسے پتہ چلا کہ یہ ایک پراسرار اور  بھوت پریت والی  حویلی ہے، جس کی دیواروں میں بہت سے تاریک راز دفن ہیں۔۳؍ منٹ،۳۴؍ سیکنڈ کا ٹریلر رومانس اور ہارر کی دُہری خوراک پیش کرتا ہے۔
اداکار سنجے دت فلم میں منفی کردار ادا کرتے ہوئے نظر آئیں گے جب کہ پربھاس دُہرے کردار میں اپنی طاقت کا مظاہرہ کریں گے۔ ان دونوں کے علاوہ  دی راجا صاحب کی کاسٹ میں مالویکا موہن، ندھی اگروال، برہمانند، بومن ایرانی  اور یوگی بابو جیسے اداکار شامل ہیں۔
پربھاس کالکی۲۹۹۸ء اے ڈی  سے بڑے پردے سے دور ہیں۔ اگرچہ اس سال ریلیز ہونے والی وشنو مانچو کی فلم کناپا میں ان کا ایک مختصر کردار تھا، لیکن اداکار کے مداح ان کی آنے والی فلم دی راجا صاحب کی ریلیز کا بے صبری سے انتظار کر رہے ہیں۔ جہاں تک اس ہارر کامیڈی کی ریلیز کی تاریخ کی بات ہے تو یہ ۹؍ جنوری۲۰۲۶ء کو دنیا بھر کے سنیما گھروں میں ریلیز کی جائے گی۔