نوجوانوں کے لیے جدید، آرام دہ اور اسٹائلش ملبوسات پیش کرنے والا یہ برانڈ آج دنیا کے مختلف حصوں میں اپنی منفرد پہچان رکھتا ہے۔

فیشن کی دنیا میں کچھ برانڈ ایسے ہیں جنہوں نے صرف کپڑے بنانےتک خود کو محدود نہیں رکھا بلکہ ایک پورے طرزِ زندگی کو اپنی شناخت بنا لیا۔ جیک اینڈ جونز (Jack & Jones) بھی انہی عالمی فیشن برانڈز میں شمار ہوتا ہے۔ نوجوانوں کیلئےجدید، آرام دہ اور اسٹائلش ملبوسات پیش کرنے والا یہ برانڈ آج دنیا کے مختلف حصوںمیں اپنی پہچان رکھتا ہے۔ اس کی خاصیت یہ ہے کہ یہ بدلتے ہوئے فیشن کے رجحانات کو اپناتے ہوئے بھی اپنے بنیادی انداز، یعنی ڈینم، کیژول ویئر اور جدید مردانہ فیشن سے اپنا رشتہ برقرار رکھتا ہے۔

یہ بھی پڑھئے:بھلیشورمارکیٹ : ملبوسات اور ہر طرح کی جویلری کیلئے بہترین مقام

آغاز کیسے ہوا

جیک اینڈ جونز کا تعلق ڈنمارک کی مشہور فیشن کمپنی (بیسٹ سیلر) سے ہے۔ یہ برانڈ ۱۹۹۰ءمیںیورپ میں متعارف کرایا گیا تھا اور اس کے تحت ابتدا ہی سے نوجوان مردوں کو اپنی توجہ کا مرکز بنایا گیا۔ اس زمانے میں مردانہ فیشن میں بھی تیزی سے تبدیلیاں آرہی تھیں۔ نوجوان ایسی پوشاک چاہتے تھے جو ایک طرف جدید اور فیشن ایبل ہو اور دوسری طرف روزمرہ زندگی میں آرام دہ بھی محسوس ہو۔ جیک اینڈ جونز نے اسی ضرورت کو سمجھا اور اپنی مصنوعات میں ڈینم، ٹی شرٹس، شرٹس، جیکٹس اور کیژول ملبوسات کو خاص اہمیت دی۔

ڈینم سے شناخت بنی

جیک اینڈ جونز کی ابتدائی شناخت خاص طور پر ڈینم سے بنی۔ جینزصرف ایک لباس نہیںبلکہ کئی دہائیوں سے نوجوان ثقافت اور آزادی کی علامت رہی ہے۔ ۱۹۹۰ءکی دہائی میں جب ڈینم کا فیشن پوری دنیا میں تیزی سے مقبول ہورہا تھا، جیک اینڈ جونز نے مختلف کٹس، واشز اور اسٹائل کے ذریعے جینز کو اپنی برانڈ شناخت کا مرکزی حصہ بنایا۔ اس کے بعد برانڈ نے اپنے مجموعے کو وسیع کیا اور مردوں کے لیے مکمل کیژول وارڈروب پیش کرنا شروع کردیا۔

یہ بھی پڑھئے: ایکس وائی ایکس ایکس: ظاہری نہیں باطنی ملبوسات پیش کرنے والا برانڈ

آج جیک اینڈ جونز کے ملبوسات میںجینز کے علاوہ ٹی شرٹس، پولو شرٹس، شرٹس، سویٹ شرٹس، ہوڈیز، جیکٹس، ٹراؤزر، چائنو، شارٹس اور مختلف قسم کے بیرونی ملبوسات شامل ہیں۔ اس کی مصنوعات میں ایک طرف سادہ اور بنیادی ڈیزائن نظر آتے ہیں تو دوسری طرف ایسے فیشن فارورڈ انداز بھی ملتے ہیں جو موجودہ رجحانات کے مطابق تیار کیے جاتے ہیں۔ یہی امتزاج اس برانڈ کو نوجوان صارفین کے لیے پرکشش بناتا ہے۔

مصنوعات کا تنوع

جیک اینڈ جونزکی بنیاد جینز اور جینز ویئر پر ہے، تاہم اس کی مصنوعات میں ٹیلرنگ، اربن اسپورٹس ویئر، جوتے اور ایکسیسریز بھی شامل ہیں۔۲۰۲۳ءمیں جیک اینڈ جونز نے پہلی بار فیشن فٹ ویئر سیریزمتعارف کرائی۔ مختلف ثقافتوں سے ڈیزائن کا انداز لے کر کلاسک اسکیٹ شو کو نئے انداز میں پیش کیا گیا۔ اس کے علاوہ برانڈ نے ٹوپیاں، اسکارف، بیلٹس، جرابیں، دھوپ کے چشمے، کراس باڈی بیگز اور چھتریاں بھی متعارف کرائی ہیں۔ 

پائیداری اور ماحول دوستی

۲۰۰۷ءمیں برانڈ نے اپنی پہلی آرگینک اور فیئرٹریڈ سرٹیفائیڈ کاٹن کلیکشن متعارف کرائی۔ برانڈ نے فنکاروں اور ڈیزائنرز کے ساتھ مختلف تعاون بھی کیے ہیں اور اپنے ماحولیاتی اثرات کو کم کرنے کے لیے اپنی کلیکشنز میں پائیدار مواد استعمال کرنے کے اقدامات اپنائے ہیں۔ 

یہ بھی پڑھئے: ایتھنی سٹی: روایتی ہندوستانی ملبوسات جدید انداز میں پیش کرنے والا برانڈ

عالمی پھیلاؤ

اپنے ابتدائی دنوں سے جیک اینڈ جونز نے عالمی سطح پر اپنی موجودگی کو وسعت دی اور آج ۳۸؍سےزیادہ ممالک میں تقریباً ایک ہزاراسٹورز کے ساتھ موجود ہے۔مارچ ۲۰۰۰ءمیںجیک اینڈ جونزنےباضابطہ طور پر چینی مارکیٹ میں قدم رکھا اور جلد ہی شہری مردوں میں ایک پسندیدہ مردانہ ملبوسات برانڈ بن گیا۔ 

ممبئی میں موجودگی

ممبئی میں جیک اینڈ جونز کے متعدد اسٹورز موجود ہیں جن میں لوئر پریل کے فنکس پلاڈیم مال میں،گوریگائوں کے اوبرائے مال میں،ملاڈ کے انفنیٹی مال اور اِن آربٹ مال میں،کرلا کے فنکس مارکیٹ سٹی میں اورگھاٹکوپر کےآر سٹی مال میں اس کے اسٹور ہیں۔