قومی راجدھانی میں منعقدہ اے آئی امپیکٹ سمٹ میں بااثر عالمی شخصیات نے شرکت کی اورہندوستان کی زمین کواے آئی کیلئےزرخیز قراردیا لیکن کیا غریبوںاور بے روزگاروںکی اکثریت والے ملک میںاےآئی کا فروغ اتناآسان ہے؟

جدید ہندوستان کی تاریخ میں ایسا ہفتہ کبھی نہیںآیا ہوگا جب بل گیٹس، انتونیو غوطریس ،سیم آلٹ مین ،ایمانوئل میکروں،سندر پچائی،ڈیریو اموڈی جیسی دنیا کی مشہور و معروف سیاسی ، سماجی اور ٹیکنالوجی کی دنیا کی بااثرشخصیات بہ یک وقت یہاں موجود ہوں۔ نئی دہلی کے بھارت منڈپم میںمنعقدہ ۵؍ روزہ (۱۶؍ تا۲۰؍فروری) اے آئی امپیکٹ سمٹ میںان شخصیات نے شرکت کی اورملک میں مصنوعی ذہانت کی موجودہ صورتحال، مستقبل ،امکانات، مواقع اور مفادات پر سیر حاصل گفتگو کی۔ یہ ملک میں منعقدہ مصنوعی ذہانت (اے آئی) کا اب تک کاپہلا، سب سے بڑا اور تاریخی اجلاس رہا۔ یہ شخصیات چونکہ ہندوستان کی مہمان تھیں اور ملک میںایسے پہلے اجلاس میں شریک تھیں، اسلئےانہوں نے یہاںاے آئی کےبھرپورمثبت امکانات پر ہی روشنی ڈالی اوریہ ثابت کرنے کی کوشش کی مصنوعی ذہانت کیلئے ہندوستان کی زمین بڑی زرخیز ہے اور یہاں وہ سارے وسائل موجود ہیںجو اے آئی کے فروغ میں معاون ثابت ہوسکتے ہیںاوراسے ہرفرد تک پہنچا سکتے ہیں۔ اس سمٹ میں اعتراف کیاگیاکہ ہندوستان میںوہ صلاحیتیں موجود ہیں جن کے ذریعے ہندوستان اے آئی کا ہب بن سکتا ہے۔ اسی مقصدکےتحت ملک میں آئندہ ۲؍ سال کے دوران اے آئی میں۲۰۰؍ملین ڈالرکی سرمایہ کاری کا ہدف بھی مقرر کیاگیا ہے۔

یہ بھی پڑھئے: دیپک کمار کیلئے کھڑے ہونا اب ہم سب کی ذمہ داری ہے

یہ حقیقت ہےکہ مصنو عی ذہانت ٹیکنالوجی کی ایک ترقی یافتہ شکل ہےجس کا دنیا پرغلبہ ہوتا جارہا ہےاوریہ جدید زمانے کی ضرورت بھی بنتی جارہی ہے۔ وزیر اعظم مودی اور ان کی حکومت  نے ان برسوں میں ہندوستان کو دنیا کے نقشے پر کم وبیش ہر انسانی شعبے کے قائد کے طورپر پیش کیا ہے اوریہ اے آئی سمٹ بھی اسی سلسلے کی کڑی تھی۔ ہندوستا ن معیشت میں۵؍ ٹریلین ڈالرتک پہنچنا چاہتا ہے، یوگاکوعالمی سطح پر متعارف کیا گیا ہے ، بیرون ملک مقیم ہندوستانیوںکو ہندوستا ن کاسفیرقراردیا گیا ہےا ور ایسی بہت سی باتیں ہیںجن کے ذریعے مختصر اًیہ ظاہرکیاجارہا ہےکہ ہندوستان ’وشوگرو‘ ہے، دنیا کا لیڈر ہے،قائد ہےاور اب ا ے آئی کا بھی مرکز بننے کی راہ پر ہے۔ گویا ہندوستان میں سب کچھ ہےنیز انسانیت اوردنیا کی خیر وبھلائی کے جو کچھ بھی اسباب ہیں،ہندوستان ان میں رہنما کی حیثیت رکھتا ہے۔ اہداف مقرر کرنے میںکوئی قباحت نہیںہے۔ اہداف مقرر کرنے سےہی کام کی سمت طے ہوتی ہےاوراس کے مثبت نتائج جلد یا بدیر سامنے آتے ہیںلیکن کبھی بھی دوسرا پہلو نظر انداز نہیںکیاجاسکتا۔

یہ بھی پڑھئے: جس کی لاٹھی اس کی بھینس !کیا آج ہی کیلئے یہ کہاوت بنائی گئی تھی؟

یعنی یہ نظر انداز نہیںکیا جاسکتا کہ ہندوستان میںآج بھی اکثریت غریب عوام کی ہے۔ اعدادوشمارکا کھیل بہت مختلف ہوتا ہے۔ اشاریے تبدیل ہوتے رہتے ہیں اور گراف اوپرنیچے ہوتا رہتا ہےلیکن بنیادی حقیقت نہیں بدلتی۔ غربت ہندوستان کی حقیقت ہےاور ایسی حقیقت ہےکہ عوام کی بڑی تعداد کو مفت کی سرکاری اسکیموں پر انحصار کرنا پڑتا ہے۔ حکومت یہ بتاتے ہوئے شرمندہ نہیںہوتی ہےکہ کسی سرکاری اسکیم سے کروڑوں غریبوںکو مفت اناج فراہم کیاجارہا ہے۔ یہاںہدف کروڑوں غریبوںکو غربت سے اوپر اٹھانا نہیںہوتابلکہ مفت میںاناج دے کرانہیں اپنا ووٹر بنانا ہوتا ہے۔ ایسے میںگلوبل ساؤتھ کی پہلی اورسب سے بڑی اے آئی سمٹ تو کیا ،شہر شہر اے آئی کا بازار لگا دیاجائے تب بھی حالات نہیںبدلیں گے۔ غربت میںسب سے بنیادی ضرورت اناج ہوگی ،اے آئی نہیں۔ بے روزگاروں کیلئے سب سے بنیادی ضرورت نوکری ہوگی ، اے آئی سےملازمت پر کیا اور کیسا فرق پڑے گا ، یہ بعد کی بات ہے۔ یہ بھی یاد رہےکہ جب ہم گلوبل ساؤتھ کی بات کرتے ہیں توایسے ممالک کاگروپ ہمارے سامنے ہوتا ہےجو افریقہ ، لاطینی امریکہ ، ایشیا اور اوشیانیاخطے کے ترقی پزیر، غیر ترقی یافتہ اورکم آمدنی والے ممالک  پر مشتمل ہے۔ اس سے مراد یہ ہےکہ اگر گلوبل ساؤتھ میں ہندوستان کی قیادت کی بات کی جارہی ہے،چاہے وہ اے آئی کے جدید شعبے میں ہی کیوں نہ ہو،تویہ قیادت پسماندہ ممالک پرایک نسبتاًترقی پزیر ملک کی قیادت ہوگی۔ اس میں مثبت پہلو ضرورہےلیکن اتنا بھی نہیںکہ اس قائد کو اے آئی جیسی ٹیکنالوجی کا مرکز بناکر پیش کیاجائے۔

یہ بھی پڑھئے: کارپوریشن انتخابات: اتنا غیر واضح اور گنجلک منظر نامہ کبھی رہا؟