رمضان بابرکت مہینہ ہے۔ حالانکہ دن بھر بغیر پانی کے رہنے سے انسانی جسم نڈھال، تھکا ہوا اور ڈی ہائیڈریٹ ہوجاتا ہے۔

رمضان بابرکت مہینہ ہے۔ حالانکہ دن بھر بغیر پانی کے رہنے سے انسانی جسم نڈھال، تھکا ہوا اور ڈی ہائیڈریٹ ہوجاتا ہے۔ گھبرانے کی ضرورت نہیں، چند آسان طریقوں کو اپنانے سے انسانی جسم روزہ میں ہائیڈریٹ رہ سکتا ہے۔ آج اس کالم میں جسم کو ہائیڈریٹ رکھنے کے ۳؍ آسان طریقے بتائے جا رہے ہیں:

(۱) افطار میں باسل سیڈز

ایک چھوٹا چمچہ سبزہ یعنی باسل سیڈز کو پانی میں بھگو دیں اور اسے افطار میں پئیں۔ سبزہ کے بیج پانی جذب کرتے ہیں جسے پینے سے انسانی جسم دیر تک ہائیڈریٹ رہتا ہے۔ یہ جسم کو اندرونی ٹھنڈک فراہم کرنے کے ساتھ ساتھ ہاضمہ بھی درست کرتا ہے۔

یہ بھی پڑھئے: سحری میں اِن چار غذاؤں سے پرہیز کرنا چاہئے

(۲) سونے سے قبل ادرک کا پانی

پانی میں ایک ٹکڑا ادرک ڈال کر اُبال لیں، پھر اسے چھان کر سونے سے قبل پئیں۔ ادرک نظام ہضم درست کرتا ہے اور پھولے ہوئے پیٹ سے راحت دلاتا ہے جس سے جسم کو دیر تک ہائیڈریٹ رکھنے میں مدد ملتی ہے۔

(۳) افطار میں ناریل پانی

افطار میں ایک گلاس ناریل پانی پئیں۔ یہ قدرتی الیکٹرولائٹس سے مالا مال ہے جو انسانی جسم کو ہائیڈریٹ کرتا ہے اور کھوئی ہوئیں معدنیات کی کمی پورا کرتا ہے۔

یہ بھی پڑھئے: گھر، بچے اور عبادات: توازن کیسے قائم رکھیں؟

خلاصہ:

یہ چند آسان اور مؤثر عادتیں انسانی جسم کو تازہ اور فعال رکھنے میں معاون ہوں گی۔ ساتھ ہی متوازن غذا کھائیں اور افطار سے سحری کے دوران مناسب مقدار میں پانی پئیں۔