ہم عموماً گرمیوں میں ٹھنڈک حاصل کرنے کے لیے اے سی چلاتے ہیں، لیکن کیا پنکھا اور اے سی ایک ساتھ چلانا درست ہے؟ بہت سے لوگوں کا خیال ہے کہ یہ غلط ہے، جبکہ یہ طریقہ کمرے کو تیزی سے ٹھنڈا کرتا ہے اور صحیح طریقے سے استعمال کرنے پر بجلی کی بچت بھی کرتا ہے۔ جانئے اے سی کے ساتھ پنکھا چلانا کیوں فائدہ مند ہو سکتا ہے۔

گرمی میں ٹھنڈک حاصل کرنے کے لیے اکثر لوگ اے سی کا سہارا لیتے ہیں لیکن کیا آپ نے دیکھا ہے کہ جب پنکھا اور اے سی ایک ساتھ چلتے ہیں تو اس سے کیا فرق پڑتا ہے؟ بہت سے لوگوں کا خیال ہے کہ ایسا کرنے سے بجلی کی کھپت بڑھ جاتی ہے جبکہ حقیقت اس کے برعکس ہو سکتی ہے۔ جب صحیح طریقے سے استعمال کیا جائے تو یہ طریقہ نہ صرف آپ کے کمرے کو تیزی سے ٹھنڈا کرتا ہے بلکہ بجلی کے بل  میں بھی  راحت دیتا ہے۔ پنکھا کمرے کے ہر کونے تک ہوا پہنچانے میں مدد کرتا ہے جس کی وجہ سے ٹھنڈک زیادہ اوریکساں طور پر پھیلتی ہے اور اے سی کو مسلسل تیز رفتاری سے نہیں چلانا پڑتا۔ اس سے بجلی کی بچت ہوتی ہے اور ٹھنڈک کا اثر بھی طویل عرصے تک برقرار رہتا ہے۔ آئیے جانتے ہیں کہ اے سی اور پنکھے کو ایک ساتھ چلانے کا صحیح طریقہ کیا ہے اور گرمیوں میں یہ ایک اسمارٹ حل کیوں ثابت ہو سکتا ہے۔

یہ بھی پڑھئیے:ہاضمے کے لیے دہی بہتر یا چھاس؟

 ٹھنڈی ہوا ہر کونے تک پہنچتی ہے 
 اے سی کی ہوا عام طور پر ایک سمت میں نکلتی ہے اور صرف سامنے بیٹھے ہوئے حصے کو تیزی سے ٹھنڈا کرتی ہے۔ یہ ٹھنڈک کمرے کے دوسرے کونوں تک دیر سے پہنچتی ہے۔ جب پنکھا ایک ساتھ چلایا جاتا ہے تو ہوا پورے کمرے میں یکساں طور پر گردش کرتی اور پھیلتی ہے۔ اس سے ہر جگہ ٹھنڈک یکساں رہتی ہے اور کوئی کونا زیادہ گرم یا زیادہ ٹھنڈا محسوس نہیں ہوتا ہے۔
 بجلی کے بل میں راحت
اگر آپ اے سی  کے ساتھ پنکھا چلاتے ہیں تو آپ درجۂ  حرارت کو۲۴؍ سے ۲۶؍ڈگری درجہ  پر سیٹ کر سکتے ہیں۔ کم درجہ حرارت (مثلاً۱۸؍ ڈگری )پر اے سی  چلانے سے زیادہ بجلی خرچ ہوتی ہے۔ پنکھے کی مدد سے آپ کو کم درجہ حرارت کی ضرورت نہیں ہے کیونکہ ٹھنڈی ہوا تیزی سے پھیلتی ہے۔ یہ طریقہ آپ کے بجلی کے بل کو کافی حد تک کم کر سکتا ہے اور صحت کے لیے بھی اچھا سمجھا جاتا ہے۔
 کمرہ تیزی سے ٹھنڈا ہو جاتا ہے 
 جب آپ اے سی  آن کرتے ہیں تو عام طور پر کمرے کو ٹھنڈا ہونے میں کچھ وقت لگتا ہے۔ لیکن اگر اسی وقت پنکھا بھی آن کر دیا جائے تو ہوا کی گردش بڑھ جاتی ہے اور ٹھنڈی ہوا ہر طرف پھیل جاتی ہے۔ نتیجے کے طور پر، کمرہ بہت کم وقت میں ٹھنڈا ہو جاتا ہے۔ یہ آپ کو اے سی کو زیادہ دیر تک چلانے سے بچاتا ہے۔