وزیر برائے خوراک وادویات تیسری صنف کے شخص کے ساتھ قابل اعتراض حالت میں نظر آ رہے ہیں۔

حال ہی میں این سی پی کی روپالی چاکن کو ریاستی کمیشن برائے خواتین کی چیئر پرسن کے عہدے سے اشوک کھرات تنازع کے سبب استعفیٰ دینا پڑا ہے اب این سی پی ہی کے نرہری زروال تنازع میں پھنس گئے ہیں جو کہ ریاست کے وزیر برائے خوراک وادویات ہیں۔ زروال کا ایک ویڈیو وائرل ہو ا ہے جس میں وہ مبینہ طور پر اپنے سرکاری مکان میں ایک مخنث کے ساتھ قابل اعتراض حالت میں نظر آ رہے ہیں۔ 

یہ بھی پڑھئے: منشیات کی اسمگلنگ میں پنجاب سرفہرست، گزشتہ۳؍ سال میں ریکارڈ اضافہ

یہ ویڈیو کوئی اسٹنگ آپریشن نہیں لگ رہا ہے بلکہ باقاعدہ کوئی زروال کی شوٹنگ کر رہا ہے ، کیونکہ کیمرہ الگ الگ زاویے سے حرکت کرتا ہوا دکھائی دے رہا ہے۔  ۱۰؍ منٹ کے اس ویڈیو میں وہ  تیسری صنف کے ایک شخص کے ساتھ قابل اعتراض حالت میں نظر آ رہے ہیں۔ وہیں ان کا کھانا اور شراب بھی موجود ہے۔جبکہ کوئی تیسرا شخص ان کا ویڈیو شوٹ کر رہا ہے۔ تیسری صنف والا فرد مبینہ طور پر ناسک سے تعلق رکھتا ہے اور اس کا مجرمانہ ریکارڈ ہے۔  یاد رہے کہ نر ہری زروال کا تعلق بھی ناسک سے ہے اور دنڈوری سے رکن اسمبلی ہیں۔   ان تینوں کے علاوہ ایک چوتھا شخص بھی ویڈیو میں نظر آتا ہے جس کے بارے میںکہا جاتا ہے کہ وہ ماضی میں کئی سیاسی جماعتوں سے وابستہ رہا ہے اور خود کو ایڈوکیٹ بھی بتاتا ہے۔نرہری زروال کا طویل سیاسی کریئررہا ہے، اور وہ مہاراشٹر اسمبلی کے نائب اسپیکر بھی رہ چکے ہیں، جبکہ کچھ عرصے کیلئے انہوں نے کارگزار اسپیکر کے طور پر بھی اسمبلی کی کارروائی سنبھالی تھی۔