سوشل میڈیا پلیٹ فارمز پر ۵۰۰؍ روپے کے نوٹوں کے بند ہونے کی خبریں مسلسل سامنے آ رہی ہیں۔ سوشل میڈیا پر نوٹ بندی ۲؍ کا ذکر بھی جاری ہے، جس کی وجہ سے عام لوگ ایک بار پھر پریشان ہیں۔ اس معاملے پر حکومت کی جانب سے اپنی پوزیشن واضح کی گئی ہے۔ آئیے جانتے ہیں کہ اصل معاملہ کیا ہے۔

کیا ملک کا بینکنگ ریگولیٹر، ریزرو بینک آف انڈیا، حکومت کے ساتھ مل کر ایک بار پھر نوٹ بندی کرنے جا رہا ہے؟ کیا حکومت اورآر بی آئی  تقریباً ایک دہائی بعد نوٹ بندی ۲؍ کی تیاری کر رہے ہیں؟ کیا ملک میں ۵۰۰؍ روپے کے نوٹ غائب ہونے والے ہیں؟ کیا ملک سے ۵۰۰؍ روپے کے نوٹ مکمل طور پر ختم ہو جائیں گے؟ یہ وہ سوالات ہیں جو ملک کی سوشل میڈیا پر گردش کر رہے ہیں اور عام لوگوں کو پریشان کر رہے ہیں۔ کچھ وقت سے ۵۰۰؍ روپے کے نوٹ بند کرنے کی خبریں سامنے آ رہی ہیں۔
ساتھ ہی یہ بھی کہا جا رہا ہے کہ حکومت ملک کے کرنسی سسٹم میں ۱۰۰؍ روپے کے نوٹ کو سب سے بڑے نوٹ کے طور پر رکھے گی۔ جب سے ایسی خبریں سوشل میڈیا پر آئی ہیں، عام لوگوں کو ۱۰؍ سال پرانی نوٹ بندی اور اس دوران کی پریشانی یاد آنے لگی ہے۔ اب حکومت نے اس خبر پر اپنی پوزیشن واضح کی ہے۔ آئیے جانتے ہیں کہ حکومت نے ۵۰۰؍ روپے کے نوٹوں کے بند ہونے کے بارے میں کیا کہا ہے۔

یہ بھی پڑھئے:پریش راول نے اے آر رحمان کو ملک کا فخر قرار دیا

پی آئی بی  کے فیکٹ چیک میں سامنے آئی حقیقت
پریس انفارمیشن بیورو(پی آئی بی )کی فیکٹ چیک یونٹ نے سوشل میڈیا پر گردش کرنے والے ان دعوؤں کی تردید کی ہے، جن میں کہا جا رہا تھا کہ مرکزی حکومت ۵۰۰؍ روپے کے نوٹوں پر پابندی لگانے کی منصوبہ بندی کر رہی ہے۔پی بی آئی  فیکٹ چیک نے اس معلومات کو ’’جعلی‘‘ قرار دیا ہے۔ پی آئی بی  فیکٹ چیک نے X (سابق ٹویٹر) پر ایک پوسٹ میں کہا کہ سوشل میڈیا پر یہ دعویٰ کیا جا رہا ہے کہ حکومت ہند۵۰۰؍ روپے کے نوٹوں پر پابندی لگانے کی منصوبہ بندی کر رہی ہے… یہ دعویٰ جعلی ہے۔ پی آئی بی  نے مزید وضاحت کی کہ مرکزی حکومت نے ایسی کوئی اعلان نہیں کیا۔ فیکٹ چیک یونٹ نے گمراہ کن سوشل میڈیا پوسٹ کا اسکرین شاٹ بھی شیئر کیا۔

یہ بھی پڑھئے:جوکووچ کی میلبورن پارک میں فتوحات کی سنچری مکمل، پیڈرو مارٹنیز کو شکست دے دی

 پی آئی بی  نے کیا خبردار
پی  آئی  بی  نے عوام سے اپیل کی کہ وہ حکومتی پالیسیوں اور فیصلوں سے متعلق درست معلومات کے لیے صرف سرکاری ذرائع پر اعتماد کریں۔پی آئی بی  فیکٹ چیک نے X پر اپنی پوسٹ میں کہا کہ مالیاتی پالیسیوں اور فیصلوں سے متعلق مستند معلومات کے لیے صرف سرکاری ذرائع پر اعتماد کریں۔ پریس انفارمیشن بیورو کی فیکٹ چیک یونٹ باقاعدگی سے سوشل میڈیا پر پھیلائی جانے والی جھوٹی معلومات کا پردہ فاش کرتی ہے، جو اکثر حکومت کی ساکھ خراب کرنے کے لیے بدنیتی پر مبنی طور پر پھیلائی جاتی ہیں۔