دہلوی گروپ آف کمپنیز نے کیرالا یونانی میڈیکل ایسوسی ایشن (KUMA) کے اشتراک سے ہوٹل ڈیمورا، کالی کٹ میں ایک کامیاب کنٹینیونگ میڈیکل ایجوکیشن (CME) پروگرام منعقد کیا جس میں کیرالا بھر سے یونانی معالجین، ماہرینِ تعلیم اور طبی شعبے سے وابستہ پیشہ ور افراد نے شرکت کی۔

دہلوی گروپ آف کمپنیز نے کیرالا یونانی میڈیکل ایسوسی ایشن (KUMA) کے اشتراک سے ہوٹل ڈیمورا، کالی کٹ میں ایک کامیاب کنٹینیونگ میڈیکل ایجوکیشن (CME) پروگرام منعقد کیا جس میں کیرالا بھر سے یونانی معالجین، ماہرینِ تعلیم اور طبی شعبے سے وابستہ پیشہ ور افراد نے شرکت کی۔اس علمی پروگرام میں طبی قوانین و ضوابط، دائمی گردوں کی بیماری، ذہنی صحت اور طبِ یونانی میں جدید پیش رفت جیسے اہم موضوعات پر ماہرین نے اپنے تحقیقی اور سائنسی مقالے پیش کیے۔

پروگرام کا آغاز ڈاکٹر سید محسن، سکریٹری، کیرالا یونانی میڈیکل ایسوسی ایشن کے خیرمقدمی خطاب سے ہوا، جبکہ افتتاحی اجلاس کی صدارت ڈاکٹر یو۔ مجیب، صدر، کیرالا یونانی میڈیکل ایسوسی ایشن نے کی۔ اپنے صدارتی خطاب میں انہوں نے کہا کہ مسلسل طبی تعلیم (CME) معالجین کی پیشہ ورانہ صلاحیتوں میں اضافہ، شواہد پر مبنی علاج کے فروغ اور صحت کے شعبے میں ہونے والی نئی پیش رفت سے آگاہ رہنے کیلئے نہایت اہم ہے۔

یہ بھی پڑھئے: مال بردار ٹرین پر چڑھ کر ہائی وولٹیج لائن چھونے سے نوجوان کی موت

پہلا سائنسی لکچر ڈاکٹر عبدالنذیر ایم ٹی نے ’’کیرالا کلینیکل اسٹیبلشمنٹ ایکٹ اور رجسٹریشن کے طریقۂ کار‘‘ کے موضوع پر پیش کیا۔ انہوں نے کیرالا میں طبی اداروں سے متعلق قانونی اور ضابطہ جاتی تقاضوں پر تفصیلی روشنی ڈالی اور صحت کے شعبے سے وابستہ افراد کیلئے قانونی تقاضوں کی پابندی کی اہمیت کو اجاگر کیا۔

افتتاحی اجلاس کے دوران ڈاکٹر او کے ایم۔ عبدالرحمٰن کی تصنیف ’’سیون ڈے باڈی ری سیٹ‘‘ کی رسمِ اجرا انجام دی گئی۔ اس موقع پر نوجوان طبی شخصیات کی نمایاں خدمات کے اعتراف میں ڈاکٹر ال وارث محمد سہیل نورانی اور عالیہ صفوانہ کو ’’ینگ اچیورز آنر‘‘ سے نوازا گیا۔

دہلوی گروپ کے خصوصی سیشن کا آغاز حکیم محسن دہلوی، چیئرمین، دہلوی گروپ کے خصوصی خطاب سے ہوا۔ انہوں نے دہلوی گروپ کی سو سالہ طبی خدمات کا ذکر کرتے ہوئے بتایا کہ اس ادارے کی بنیاد ۱۹۲۶ء میں حکیم غلام کبریا خان (حکیم بھورے میاں) نے بارہ دواخانہ کے قیام کے ذریعے رکھی تھی۔ انہوں نے کہا کہ طبِ یونانی کی عظیم روایات کا تحفظ بے حد ضروری ہے، تاہم اس کے روشن مستقبل کیلئے سائنسی تحقیق، معیاری پیداوار، جدید فارماسیوٹیکل طریقۂ کار اور اختراعات کو اختیار کرنا وقت کی اہم ضرورت ہے۔

دہلوی گروپ کی نمایاں کامیابیوں کا ذکر کرتے ہوئے حکیم محسن دہلوی نے کہا کہ ادارے نے طبِ یونانی میں کئی انقلابی اقدامات کیے ہیں، جن میں ہندوستان کی پہلی شوگر فری یونانی کیپسولس، شوگر فری یونانی سیرپس، شوگر فری خمیرہ اور معجون متعارف کرانے کے علاوہ دنیا کی پہلی یونانی گمیز کی تیاری بھی شامل ہے، جن کا مقصد جدید طرزِ خوراک کے ذریعے مریضوں کیلئے ادویات کا استعمال مزید آسان اور مؤثر بنانا ہے۔ دوران خطاب انہوں نے یہ بھی بتایا کہ دہلوی گروپ کے نزدیک تحقیق، سائنسی توثیق اور مریضوں کی حفاظت بہت اہم ہے۔ ادارہ اپنی متعدد ادویات پر پری کلینیکل ٹاکسیسٹی اسٹڈیز اور کلینیکل ایوالوئییشن مکمل کر چکا ہے، تاکہ معیاری، محفوظ اور مؤثر یونانی ادویات عوام تک پہنچائی جا سکیں۔

یہ بھی پڑھئے: ناگپور: میونسپل کارپوریشن کے پارک میں گانجہ اُگانے کا انکشاف

انہوں نے دہلوی گروپ کی قیادت کا بھی تعارف کرایا، جس میں جناب غفران الٰہی، منیجنگ ڈائریکٹر، دہلوی امبر ہربلز پرائیویٹ لمیٹڈ، اور جناب مونس دہلوی، بزنس ڈیولپمنٹ منیجر، دہلوی گروپ شامل ہیں۔ انہوں نے ادارے کی توسیع، تحقیق پر مبنی جدت اور سو سالہ طبی ورثے کو آگے بڑھانے میں ان کی خدمات کو سراہا۔

حکیم محسن دہلوی نے اس تقریب کے کامیاب انعقاد پر کیرالا یونانی میڈیکل ایسوسی ایشن کا خصوصی شکریہ ادا کرتے ہوئے ڈاکٹر سید محسن (سکریٹری)، ڈاکٹر یو مجیب (صدر)، ڈاکٹر محمد ہاشم اور ایسوسی ایشن کی گورننگ باڈی کے تمام اراکین کی کاوشوں کو خراجِ تحسین پیش کیا۔ انہوں نے دہلوی گروپ کے جناب فہیم احمد (ٹیریٹری منیجر) اور جناب انس ٹی کے (ایریا سیلز منیجر، کیرالا) کی بہترین منصوبہ بندی اور انتھک محنت کو بھی سراہا، جن کی مؤثر کاوشوں سے یہ پروگرام کامیابی سے منعقد ہوا۔

اس موقع پر شرکاء کو دہلوی گروپ کی کارپوریٹ فلم بھی دکھائی گئی، جس میں ادارے کی سو سالہ خدمات، تحقیق، جدت، معیاری پیداوار اور صحت ِعامہ کیلئے اس کے نمایاں کردار کو اجاگر کیا گیا۔ بعد ازاں ڈاکٹر محمد نوید ایم ڈی (یونانی)، ہیڈ ریسرچ اینڈ ڈیولپمنٹ، دہلوی گروپ نے ’’یونانی طریقۂ علاج کے ذریعے دائمی گردوں کی بیماری (CKD) کا انتظام‘‘ کے موضوع پر سائنسی لیکچر پیش کیا۔ انہوں نے گردوں کی دائمی بیماری کے علاج میں طبِ یونانی کے شواہد پر مبنی اصولوں، کلینیکل تجربات اور جدید سائنسی تحقیقات کے ساتھ روایتی علم کے امتزاج پر تفصیلی روشنی ڈالی۔

یہ بھی پڑھئے: کرناٹک میں ملک کی پہلی ’اے آئی‘ یونیورسٹی کے قیام کا اعلان

سائنسی سیشن کے بعد جناب محمد ارشاد، مارکیٹنگ ہیڈ، دہلوی گروپ نے دہلوی برانڈ پریزنٹیشن پیش کی، جس میں انہوں نے دہلوی گروپ کی سو سالہ خدمات، تحقیقی سرگرمیوں، جدید مصنوعات اور معیاری و مستند یونانی ادویات کی تیاری کے عزم پر مفصل روشنی ڈالی۔ اس کے بعد منعقدہ انٹرایکٹو سیشن میں ڈاکٹر شنیب سی ایچ، ڈاکٹر سید محمد انس، ڈاکٹر محمد شفیق ایم، ڈاکٹر محی الدین اور ڈاکٹر بشیرہ بی پی نے دہلوی گروپ کی ادویات کے استعمال سے حاصل ہونے والے اپنے طبی تجربات اور کامیاب علاج کے نتائج پر روشنی ڈالی۔ مقررین نے دہلوی مصنوعات کے معیار، افادیت اور محفوظ استعمال پر اپنے اعتماد کا اظہار کیا۔

پروگرام کا آخری سائنسی لیکچر ڈاکٹر نورالدین رازی کا تھا جنہوں نے ’’پرائمری کیئر میں بے چینی اور ڈپریشن کی بروقت تشخیص اور مؤثر علاج‘‘ پر اظہار خیال کرتے ہوئے ذہنی امراض کی ابتدائی شناخت، بروقت علاج اور جامع نگہداشت کی اہمیت پر روشنی ڈالی۔ شرکاء نے ان کے لیکچر کو نہایت مفید اور معلوماتی قرار دیا۔پروگرام کے اختتام پر ڈاکٹر محی الدین، خزانچی، کیرالا یونانی میڈیکل ایسوسی ایشن نے اظہارِ تشکر پیش کرتے ہوئے تمام مقررین، مندوبین، منتظمین، اسپانسرز اور شرکاء کا شکریہ ادا کیا جن کے تعاون سے اتنا اچھا اور معلوماتی اجلاس منعقد ہوسکا۔