دہلی کے سرکاری اسکولوں کی پانچ طالبات کو ’سَکشَم‘ پروگرام کے تحت، امریکہ میں خلائی سائنس ورکشاپ میں شرکت کیلئے منتخب کیا گیا ہے۔ یہ پروگرام خاص طور پر سرکاری اور سرکاری امداد یافتہ اسکولوں کی ان اعلیٰ صلاحیتوں کی حامل طالبات کیلئے شروع کیا گیا ہے جو STEM اور خلائی سائنس میں گہری دلچسپی کا مظاہرہ کرتی ہیں۔

دہلی کے مختلف اسکولوں سے موصول ہونے والی ۴۰۰ سے زائد درخواستوں میں سے ریاست کے سرکاری اسکولوں میں زیر تعلیم پانچ طالبات کو امریکی اسپیس اینڈ راکٹ سینٹر (US Space and Rocket Center) میں اسپیس سائنس (خلائی سائنس) ورکشاپ میں شرکت کیلئے منتخب کیا گیا ہے۔ وزیرِ اعلیٰ ریکھا گپتا نے اس اقدام کو اجاگر کرنے کیلئے منعقدہ ایک تقریب کے دوران ذاتی طور پر ان پانچوں طالبات کو امریکہ کے ہوائی سفر کے ٹکٹ پیش کئے۔

Chief Minister Smt. Rekha Gupta launched a series of transformative initiatives under the Saksham programme to expand technology-driven learning, student well-being and future-ready education across Delhi Government schools.

▪️ India’s first AI-Integrated Smart School Toilets… pic.twitter.com/FxKLxN4Y6S

— CMO Delhi (@CMODelhi) July 9, 2026

اس انتخاب کا عمل دو سخت مراحل پر مشتمل تھا۔ پہلے مرحلے میں، STEM (سائنس، ٹیکنالوجی، انجینئرنگ، اور میتھس) مضامین کا ابتدائی تشخیصی امتحان اور ’اسٹیٹمنٹ آف پرپز‘ (Statement of Purpose) کے جائزے کی بنیاد پر ۱۳۰ طلبہ کو شارٹ لسٹ کیا گیا، جس میں ان کے سائنسی تجسس، تجزیاتی سوچ اور STEM مضامین کیلئے جذبے کو جانچا گیا۔ شارٹ لسٹ کی گئی طلبہ نے ایک علاقائی ورکشاپ میں حصہ لیا جہاں انہوں نے عملی سائنسی پروجیکٹس ڈیزائن اور تیار بھی کئے۔ ایک جامع جانچ پڑتال کے بعد، سرفہرست پانچ پروجیکٹ آئیڈیاز کو منتخب کیا گیا۔ منتخبہ پانچ طالبات کے علاوہ دیگر چند طلبہ نے امریکہ جانے کا موقع حاصل کیا۔

یہ بھی پڑھئے: ناگالینڈ کے اشرف رحمان ورلڈ لااسٹوڈنٹ ایسوسی ایشن بین الاقوامی مباحثے کے جج مقرر

واضح رہے کہ یو ایس اسپیس اینڈ راکٹ سینٹر میں ایک ہفتہ طویل یہ ورکشاپ اکتوبر-نومبر ۲۰۲۶ء میں منعقد کیا جائے گا۔ اس کی حتمی تاریخوں کی تصدیق ہونا ابھی باقی ہے۔ اس پروگرام کے دوران، منتخبہ طالبات عملی طور پر سیکھنے کے سیشنز، خلائی سائنس کی سرگرمیوں اور ورکشاپس میں حصہ لیں گی جن کا مقصد خلائی تعلیم میں عالمی سطح کا تجربہ حاصل کرنے کے ساتھ ساتھ ان کی STEM کی سمجھ کو مضبوط بنانا ہے۔

منتخب طلبہ کو امریکی خلائی سینٹر بھیجنے کا یہ اقدام، ’سَکشَم‘ (Saksham) پروگرام کا حصہ ہے، جو دہلی حکومت اور ہنی ویل ٹیکنالوجیز (Honeywell Technologies) کے درمیان مشترکہ اشتراک کا نتیجہ ہے۔ اس پروگرام کا مقصد ۲۰۲۹ء تک ملک بھر کے ۱۲ سرکاری اور سرکاری امداد یافتہ لڑکیوں کے اسکولوں کا احاطہ کرنا ہے، جس کے تحت ۱۲ ہزار طالبات تک رسائی حاصل کی جائے گی۔ دہلی کے علاوہ، یہ اقدام پونہ، بنگلور اور گروگرام میں بھی لاگو کیا جا رہا ہے۔

یہ بھی پڑھئے: ملک میں پیپر لیکس کے درمیان، مرکزی وزراء کے بچے غیر ملکی یونیورسٹیوں میں تعلیم حاصل کر رہے ہیں

تقریب سے خطاب کرتے ہوئے، وزیرِ اعلیٰ ریکھا گپتا نے سائنس کے میدان میں اب تک غیر دریافت شدہ طریقوں سے اپنا حصہ ڈالنے کیلئے ہندوستانی لڑکیوں کی صلاحیتوں کو اجاگر کیا۔ سَکشَم پروگرام خاص طور پر سرکاری اور سرکاری امداد یافتہ اسکولوں کی ان اعلیٰ صلاحیتوں کی حامل طالبات کیلئے شروع کیا گیا ہے جو STEM اور خلائی سائنس میں گہری دلچسپی کا مظاہرہ کرتی ہیں۔ ملک میں، خاتون خلائی سائنسدانوں کی تعداد اب بھی کم ہے۔ ان حالات میں، سکشم جیسے اقدامات کا مقصد ابتدائی عمر سے ہی اس شعبے میں لڑکیوں کیلئے زیادہ سے زیادہ بیداری اور مواقع پیدا کرنا ہے۔