ایریناگھوش کو انتھروپک کی نئی منیجنگ ڈائریکٹر برائے ہندوستان کےطور پر نامزد کیا گیا ہے،وہ بلند پایہ عوامی پالیسی اور حکومتی تعلقات کی ماہر ہیںجن کے پاس ہندوستان کے ٹیکنالوجی ایکو سسٹم کو تشکیل دینے کا دو دہائیوں سے زیادہ کا تجربہ ہے۔

ایرینا گھوش کو انتھروپک کی نئی منیجنگ ڈائریکٹر برائے ہندوستان کےطور پر نامزد کیا گیا ہے،وہ بلند پایہ عوامی پالیسی اور حکومتی تعلقات کی ماہر ہیںجن کے پاس ہندوستان کے ٹیکنالوجی ایکو سسٹم کو تشکیل دینے کا دو دہائیوں سے زیادہ کا تجربہ ہے۔ گھوش ہندوستان بھر میں انتھروپک کی بزنس ڈویلپمنٹ، اسٹریٹجک پارٹنرشپس، پالیسی ایڈووکیسی، ایکو سسٹم انگیجمنٹ، اور گو-ٹو-مارکیٹ کوششوں کی قیادت کریں گی۔بڑی اے آئی فرمز کے ہندوستان میں اپنی کارکردگی مضبوط کرنے کے بعد، انتھروپک ہندوستان میں قدم جما رہی ہے۔یہ اعلان ہندوستان میں انتھروپک کے لیے ایک اسٹریٹجک سنگ میل کی حیثیت رکھتا ہے کیونکہ یہ دنیا کے تیزی سے ترقی کرنے والے اور سب سے متحرک اے آئی مارکیٹس میں سے ایک میں اپنی موجودگی درج کرا رہی ہے، جہاں اوپن اے آئی اور میٹا جیسے نام گوگل کی موجودگی سے مقابلہ کرنے کے لیے تیزی سے پر پھیلا رہے ہیں۔

یہ بھی پڑھئے: مدھیہ پردیش : بیتول ضلع کے ڈھابا گاؤں میں ’غیرقانونی مدرسہ‘ کی افواہ پرانتظامیہ نے اسکول منہدم کردی

ایریناگھوش کون ہیں؟
ایریناگھوش نے اپنی تعلیم مکمل کرنے کے بعد ٹیکنالوجی سیکٹر میں اپنا کیریئر شروع کیا، اور جلد ہی خود کو عالمی ٹیکنالوجی کمپنیوں اور ہندوستانی پالیسی سازوں کے درمیان ایک اہم پل کے طور پر قائم کرنے میں کامیابی حاصل کرلی۔ انہوں نے انٹیل انڈیا میں کئی سال گزارے، جہاں انہوں نے حکومتی تعلقات، صنعت ایڈووکیسی، اور سیمی کنڈکٹر پالیسی، ڈیجیٹل انفراسٹرکچر، اور ابھرتی ہوئی ٹیکنالوجیز سے متعلق اقدامات میں اہم کردار ادا کیا۔بعد میں وہ مائیکروسافٹ انڈیا میں شامل ہوئیں، جہاں انہوں نے عوامی پالیسی کی کوششوں کی سربراہی کی اور کلاؤڈ اپنانے، ڈیٹا پروٹیکشن، سائبر سیکیورٹی، اے آئی گورننس، اور ڈیجیٹل انکلژن پر انگیجمنٹ کی قیادت کی۔ ان کے کام نے ہندوستان کی ٹیکنالوجی اور ڈیجیٹل اکنامی کے ایک تبدیلی کے دور میں مائیکروسافٹ کی اسٹریٹیجی کو تشکیل دینے میں مدد کی۔انتھروپک میں شامل ہونے سے پہلے، غوش نے گوگل انڈیا میں ڈائریکٹر آف پبلک پالیسی کے طور پر خدمات انجام دیں، جہاں انہوں نے مصنوعی ذہانت، ذمہ دار اے آئی فریم ورکس، ڈیٹا پرائیویسی، ڈیجیٹل ادائیگیوں، پلیٹ فارم ریگولیشنز، اورشمولیت کی  ترقی پر کمپنی کی پالیسی ایجنڈے کی قیادت کی۔ گھوش کو ان کے متوازن انداز کے لیے وسیع پیمانے پر پہچان ملی ،انہوںنے جدت کی وکالت کرتے ہوئے قومی ترجیحات اور معاشرتی ضروریات کے ساتھ ہم آہنگی کویقینی بنانا۔

یہ بھی پڑھئے: ہندوستان میں نفرت انگیز تقاریر میں تشویشناک اضافہ، اقلیتوں کو نشانہ بنایا گیا

بعد ازاں انتھرروپک کے سی ای او ڈاریو امودی نے گھوش کا پرجوش استقبال کرتے ہوئے کہا، ’’ایرینا کی ہندوستانی پالیسی، ٹیکنالوجی اپنانے، اور ایکو سسٹم سازی میں گہری مہارت انہیں ہندوستان میں انتھروپک کی ترقی کی رہنمائی کرنے کے لیےاہل  بناتی ہے۔ ذمہ دار اختراع کو فروغ دینے کا ان کا ریکارڈ ہمارے مشن کے ساتھ مکمل طور پر ہم آہنگ ہے کہ محفوظ، قابل تشریح، اور قابل رہنمائی اے آئی سسٹمز بنائیں۔‘‘ تاہم گھوش نے بھی اس موقع پر گہری خوشی کا اظہار کرتے ہوئے کہا، ’’ہندوستان اے آئی اپنانے اور اختراع کے میدان میں پیش پیش ہے، جہاں بے پناہ صلاحیت، عزائم، اور ذمہ دار اے آئی کے لیے ایک واضح قومی وژن موجود ہے۔ میں ہماری عالمی ٹیم، ہندوستانی انٹرپرائزز، اسٹارٹ اپس، ڈویلپرز، پالیسی سازوں، اور اکیڈمی کے ساتھ مل کر کام کرنے پرخوش ہوں تاکہ کلاؤڈ کی طاقتور اور قابل اعتماد اے آئی صلاحیتوں کو ملک بھر کے اداروں تک پہنچایا جا سکے۔‘‘

یہ بھی پڑھئے: ایران مظاہرین کی حمایت، غزہ پر خاموشی: جے کے رولنگ پھر شدید تنقید کی زد میں

دریں اثناءگھوش جیسے تجربہ کار مقامی لیڈرکو مقرر کرنے کا انتھروپک کا فیصلہ ہندوستانی مارکیٹ میں مضبوط طویل مدتی وابستگی کی طرف اشارہ کرتا ہے۔ ان کی قیادت میں، انتھروپک سے توقع ہے کہ وہ ہندوستانی انٹرپرائزز، کلاؤڈ پرووائیڈرز، یونیورسٹیوں، اور اسٹارٹ اپس کے ساتھ شراکت داری کو تیز کرے گی، جبکہ اے آئی گورننس، سیفٹی اسٹینڈرڈز، اخلاقی تعیناتی، اور شمولیت پر مبنی اے آئی اپنانے پر پالیسی سازوں کے ساتھ فعال طور پر شامل رہیں گی۔