وکی لیکس کے بانی جولین اسانج نے نوبل فاؤنڈیشن کے خلاف قانونی شکایت دائر کرتے ہوئے وینزویلا کی اپوزیشن لیڈر ماریا کورینا ماچاڈو کو امن کا نوبیل انعام دینے کی مخالفت کی ہے۔ اسانج کا کہنا ہے کہ یہ فیصلہ الفریڈ نوبیل کی وصیت کے خلاف ہے اور اس سے جنگی جرائم کی بالواسطہ معاونت ہو سکتی ہے۔ انہوں نے انعامی رقم کی ادائیگی روکنے اور نوبیل فاؤنڈیشن کے عہدیداروں کے خلاف تحقیقات کا مطالبہ کیا ہے۔

وکی لیکس کے بانی جولین اسانج نے آج نوبیل فاؤنڈیشن کے خلاف ایک قانونی شکایت درج کرائی ہے۔ یہ شکایت وینزویلا کی اپوزیشن لیڈر ماریا کورینا ماچاڈو کو امن کا نوبیل انعام دیئے جانے کے فیصلے کے خلاف دائر کی گئی ہے۔ اسانج نے الزام عائد کیا ہے کہ نوبیل کمیٹی نے اس فیصلے کے ذریعے ’’امن کے ایک آلے کو جنگ کے آلے میں تبدیل کر دیا ہے۔‘‘ اپنی شکایت میں اسانج نے مؤقف اختیار کیا کہ اگر ماچاڈو کو نوبیل امن انعام کے ساتھ دی جانے والی رقم (ایک ملین ڈالر سے زائد) ادا کی گئی تو یہ فنڈز کا صریح غلط استعمال ہوگا۔ ان کے مطابق، یہ اقدام جنگی جرائم اور انسانیت کے خلاف جرائم کی سہولت کاری کے مترادف ہوگا اور جارحیت کے جرم کی بالواسطہ مالی معاونت بنے گا۔ اسانج نے مطالبہ کیا ہے کہ اس رقم کی ادائیگی روکی جائے اور نوبیل فاؤنڈیشن کے ذمہ دار افسران کے خلاف تفصیلی تحقیقات کی جائیں۔

JULIAN ASSANGE FILES CRIMINAL COMPLAINT AGAINST NOBEL FOUNDATION OVER “INSTRUMENT OF WAR” PEACE PRIZE

WikiLeaks Founder Alleges 2025 Award to María Corina Machado Constitutes Misappropriation, Facilitation of War Crimes Under Swedish Law, Seeks Freeze of 11 million SEK ($1.18… pic.twitter.com/OAH4mmvsph

— WikiLeaks (@wikileaks) December 17, 2025

یہ بھی پڑھئے: بونڈی بیچ فائرنگ: آسٹریلیا میں نفرت انگیز تقاریر کے خلاف سخت قوانین کا اعلان

ایکس پر ایک طویل بیان میں جولین اسانج نے کہا کہ یہ فیصلہ الفریڈ نوبیل کی ۱۸۹۵ء کی وصیت کی خلاف ورزی ہے۔ وصیت کے مطابق امن کا نوبیل انعام ان افراد کو دیا جانا چاہئے جو ’’انسانیت کو سب سے زیادہ فائدہ پہنچائیں‘‘ اور امن، اقوام کے درمیان بھائی چارے یا کھڑی افواج میں کمی کے فروغ کیلئے کام کریں۔ قانونی شکایت میں نوبیل فاؤنڈیشن کی سربراہ آسٹرڈ سوڈر برگ وِڈنگ، ایگزیکٹو ڈائریکٹر ہانا شیارنے اور مزید ۲۸؍ افراد کے نام شامل کئے گئے ہیں۔ اسانج نے الزام لگایا کہ ماریا کورینا ماچاڈو نے وینزویلا میں امریکی فوجی مداخلت کی حوصلہ افزائی کی، ماورائے عدالت قتل اور فوجی جارحیت کی حمایت کی اور ممکنہ طور پر امن انعام کو اپنی سیاسی ساکھ بڑھانے کیلئے استعمال کیا۔ شکایت میں امریکی صدر ڈونالڈ ٹرمپ کے فوجی حملوں اور غزہ کے حوالے سے اسرائیلی وزیر اعظم بنجامن نیتن یاہو کے طرزِ عمل کی حمایت میں دیئے گئے بیانات کا بھی حوالہ دیا گیا ہے۔

یہ بھی پڑھئے: کشمیر: سیاحت کیلئے وزیر اعلیٰ عمر عبداللہ نے مصنوعی برف کی تجویز پیش کی

یاد رہے کہ جولین اسانج، جو امریکہ کو وکی لیکس کے ذریعے خفیہ دستاویزات شائع کرنے کے الزامات کے تحت مطلوب تھے، جون ۲۰۲۴ء میں مقدمہ ختم ہونے کے بعد اب آسٹریلیا میں مقیم ہیں۔ اپنے مؤقف کی تائید میں انہوں نے کہا کہ ناروے کی ۲۱؍ سے زائد امن تنظیموں نے ماریا کورینا ماچاڈو پر تنقید کی ہے اور انہیں ’’امن انعام کے معیار کے برعکس‘‘ قرار دیا ہے۔ اسانج کے مطابق، نوبیل امن انعام یافتہ ایڈولفو پیریز ایسکیویل نے بھی اس فیصلے کو الفریڈ نوبیل کی وصیت کا مذاق اڑانے کے مترادف قرار دیا جبکہ پیس ریسرچ انسٹی ٹیوٹ اوسلو نے ماچاڈو کی جانب سے فوجی مداخلت کے مطالبات کی تصدیق کی ہے۔