’’اب عمل کریں‘‘، مارٹن لوتھر کنگ سوم اور راج موہن گاندھی نے غزہ کے لیے انسانی ہمدردی کی اپیل کی، انہوں نے مطالبہ کیا کہ غزہ کے لوگوں کے لیے انسانی امداد بغیر کسی رکاوٹ یا تاخیر کے فوری طور پر فراہم کی جائے۔

مارٹن لوتھر کنگ سوم جو مرحوم امریکی سول رائٹس لیڈر مارٹن لوتھر کنگ جونیئر کے بیٹے ہیں، اور راج موہن گاندھی، جو مہاتما گاندھی کے پوتے ہیں، نے کہا کہ’’ محصور فلسطینی علاقے میں جاری تشدد انصاف نہیں لاتا بلکہ صرف دکھوں کو بڑھاتا ہے۔ ‘‘ انہوں نے عالمی لیڈروں سے ’’اب عمل کرنے‘‘ کی درخواست کی، یہ کہتے ہوئے کہ ’’عالمی برادری کو نظریں نہیں پھیرنی چاہئیں۔‘‘ ان دونوں شخصیات نے مشترکہ طور پر ایک اپیل جاری کی جو درج ذیل ہے۔

یہ بھی پڑھئے: اسرائیلی سیکوریٹی کابینہ نے غزہ پر مکمل قبضہ کا منصوبہ منظور کیا، چو طرفہ مذمت

ہم آج نہ صرف ڈاکٹر مارٹن لوتھر کنگ جونیئر اور مہاتما گاندھی کی اولاد کے طور پر بول رہے ہیں، بلکہ ایک ایسے خاندان کے رکن کے طور پر جو غزہ میں پھیلتی ہوئی انسانی تباہی سے زخمی ہے۔ ہمارے دل معصوم شہریوں خاص طور پر بچوں کی چیخوں سے بوجھل ہیں جو تشدد، نقل مکانی اور محرومی کے المناک طوفان میں پھنس گئے ہیں۔ ساتھ ہی، ہم اسرائیلی خاندانوں کے گہرے درد کو بھی تسلیم کرتے ہیں جن کے پیاروں کو یرغمال بنایا گیا ہے۔ ان کا دکھ بھی ہمارا ہے۔ ہم اپنے درد میں مہاتما گاندھی کے الفاظ کو نہ بھولیں: ’’میں تشدد کی مخالفت کرتا ہوں کیونکہ جب یہ اچھا لگتا ہے، تو وہ اچھائی عارضی ہوتی ہے؛ لیکن اس سے جو شر ہوتا ہے وہ مستقل ہوتا ہے۔‘‘ جاری تشدد انصاف نہیں لاتا یہ دکھوں کو بڑھاتا ہے۔ ہم فوری طور پر، محبت اور عجلت کے ساتھ، خونریزی کے خاتمے کا مطالبہ کرتے ہیں۔ تمام یرغمالیوں کو محفوظ طور پر رہا کیا جانا چاہیے۔ انسانی امداد  خوراک، پانی اور ادویات کو غزہ کے لوگوں تک بغیر کسی رکاوٹ یا تاخیر کے پہنچنا چاہیے۔

یہ بھی پڑھئے: اسرائیل نے غزہ میں ۵۰۰؍ اسکول تباہ کر دئیے: ہیومن رائٹس واچ

ہم دنیا سے کہتے ہیں: غزہ کے بچے ہمارے بچے ہیں۔ خوف اور خاموشی میں رکھے گئے اسرائیلی یرغمال ہمارا خاندان ہیں۔ کسی بچے کو بھوک کا سامنا نہیں کرنا چاہیے؛ کسی والدین کو اپنے بچے کے انتظار کی اذیت میں نہیں رہنا جو شاید کبھی واپس نہ آئے۔ یہ بھیانک خواب ختم ہونا چاہیے۔ جیسا کہ ڈاکٹر مارٹن لوتھر کنگ جونیئر نے ہمیں یاد دلایا، ’’کسی بھی جگہ ناانصافی ہر جگہ انصاف کے لیے خطرہ ہے۔‘‘مشرق وسطیٰ میں امن ٹوٹے ہوئے جسموں اور بکھری ہوئی بھروسے کے ملبے پر نہیں بن سکتا۔ اسے ہر انسان کی عزت سے اٹھنا چاہیے، اسرائیلی اور فلسطینی دونوں، جو برابر وقار کے ساتھ ہمسایوں کی طرح رہتے ہیں۔ ہم عالمی لیڈروںاور علاقائی کرداروں سے اپیل کرتے ہیں: اب عمل کریں — بدلے کے جذبے سے نہیں، بلکہ نصب العین کے ساتھ۔ اب وقت آ گیا ہے کہ بہادرانہ سفارتکاری کی جائے، جو انصاف اور ہمدردی سےجڑی ہو۔ عالمی برادری کو نظریں نہیں پھیرنی چاہئیں۔ مفاہمت کا راستہ طویل ہوگا، لیکن یہ رحم اور اخلاقی وضاحت کے پہلے قدم سے شروع ہوتا ہے۔ آئیے ہم تقسیم، نفرت اور مایوسی سے بالاتر ہوں اور پختہ دلوں اور کھلے ہاتھوں کے ساتھ یہ تسلیم کریں کہ ایک عادلانہ امن نہ صرف ضروری ہے، بلکہ ممکن بھی ہے۔