پاکستان کرکٹ بورڈ کے چیئرمین محسن نقوی کو ایشیا کپ ۲۰۲۵ء ٹرافی `لے کر بھاگنے پر پاکستان کی جانب سے گولڈ میڈل سے نوازا جائے گا، محسن نقوی ایشیا کپ کی ٹرافی اس وقت اپنے ساتھ لے گئے تھے، جب فائنل کی فاتح ہندوستانی ٹیم کے کپتان نے ان کے ہاتھوں ٹرافی لینے سے انکار کر دیا تھا۔

ہندوستان نے دبئی میں اپنے حریف پاکستان کو پانچ وکٹوں سے شکست دے کر ایشیا کپ کا خطاب دوبارہ اپنے نام کر لیا۔ لیکن میچ کے بعد ایک تنازعہ چھڑ گیا جس نے سب کی توجہ اپنی طرف کھینچ لی۔انعامی تقریب کے دوران ہندوستانی ٹیم نے ایشین کرکٹ کونسل (اے سی سی) کے سربراہ اور پاکستان کرکٹ بورڈ (پی سی بی) کے چیئرمین محسن نقوی سے ایشیا کپ ٹرافی لینے سے انکار کر دیا۔ اب، اس واقعے کے بعد جس پر نقوی کو دنیا بھر کے کرکٹ پرستاروں کی طرف سے سخت تنقید کا سامنا کرنا پڑا، پاکستان نے پی سی بی چیئرمین کو شہید ذوالفقار علی بھٹو ایگزیلینس گولڈ میڈل سے نوازنے کا فیصلہ کیا ہے۔یہ اعزاز فائنل میچ کے بعد ہونے والی تقریب میں ان کے ’’اصولی اور بہادرانہ موقف‘‘ کے اعتراف میں دیا جا رہا ہے، جب ہندوستانی ٹیم نے ان سے ٹرافی لینے سے انکار کر دیا تھا اور نقوی اور ان کی ٹیم ٹرافی لے کر وہاں سے چلے گئے تھے۔ اس اقدام کو پہلگام دہشت گردی حملے اور آپریشن سندور کے پس منظر میں ایک سیاسی توہین سمجھا گیا۔

یہ بھی پڑھئے: پاکستان: اسلام آباد پولیس کا صحافیوں پرمبینہ حملہ، ملک کا ’تاریک ترین دن‘‘ قرار

سندھ اور کراچی باسکٹ بال ایسوسی ایشن کے صدر ایڈووکیٹ غلام عباس جمال نے اس اعزاز کا اعلان کرتے ہوئے کہا کہ نقوی کے اقدامات نے ’’قومی وقار کو بحال کیا‘‘۔میڈل کی تقریب تقسیم کراچی میں ہوگی جس کے مہمان خصوصی پاکستان پیپلز پارٹی (پی پی پی) کے چیئرمین بلاول بھٹو زرداری ہوں گے۔واضح رہے کہ ہندوستانی ٹیم کے ٹرافی لینے سے انکار کے بعد جو کچھ ہوا وہ اور بھی دلچسپ تھا۔ نقوی ٹرافی تقریب کے مقام پر چھوڑنے کے بجائے اسے اٹھا کر وہاں سے چلے گئے۔تاہم، اس سے ہندوستانی ٹیم کے جوش و خروش میں کوئی کمی نہیں آئی۔ ہندوستانی کھلاڑیوں نے خالی اسٹیج کے ساتھ کھڑے ہو کر اپنی فتح کا جشن منایا، جہاں کپتان سوریا کمار یادو نے مذاق میں ٹرافی کو تھامے ہونے کا ڈرامہ کیا۔ بعد میں، سوشل میڈیا پر ٹیم انڈیا نے اس واقعہ کا مذاق اڑاتے ہوئے یادو، ہاردک پانڈیا، شبمن گل اور ابھیشیک شرما سمیت کئی کھلاڑیوں نے انسٹاگرام پر ایسی فتح کی تصاویر پوسٹ کیں جن میں ٹرافی کے ایموجی شامل تھے۔

یہ بھی پڑھئے: امریکہ : سڑک حادثےکا ملزم ہندوستانی شخص ۲۰؍سال بعد جیل کی سلاخوں کے پیچھے پہنچا

دراصل اس سارے واقعے کی وجہ اس سال اپریل کے شروع میں، پاکستان سے تعلق رکھنے والے دہشت گردوں کے ہندوستان کے مقبوضہ جموں و کشمیر میں پہلگام میں ایک وحشیانہ حملے میں۲۶؍ بے گناہ افراد کے قتل سے ہوئی، جو۲۰۱۹ء پلوامہ دھماکے کے بعدہندوستانی زمین پر سب سے بڑا حملہ تھا۔ ہندوستان نے دو ہفتے بعد آپریشن سندور کے ذریعے جوابی کارروائی کی، جس میں پی او کے اور پاکستان میں بے شمار دہشت گرد کیموں کو نشانہ بنایا گیا، جس سے سرحدی کشیدگی میں اضافہ ہوا۔اگرچہ ایک باہمی معاہدے کے تحت جنگ بندی ہوئی، لیکن ہندوستانی حکومت نے پاکستان کے ساتھ تمام سفارتی تعلقات منقطع کر دیے۔ تاہم، دونوں ممالک اور ان کے بورڈز نے ملٹی ٹیم کمٹمنٹ کو پورا کرنے پر اتفاق کیا، جس کے نتیجے میں ہندوستان اور پاکستان۲۰۲۵ء ایشیا کپ میں ایک ہی گروپ میں تھے اور تین بار ایک دوسرے کے خلاف کھیلے۔اس ٹورنامنٹ میں ہندوستان اور پاکستان کے ایک دوسرے کے خلاف تین بار کھیلنے کے باوجود، ہندوستانی ٹیم نےپاکستانی کھلاڑیوں  سے ہاتھ ملانے سے انکار کر دیا تھا۔ حتیٰ کہ ہندوستان نے فائنل مقابلے میں فتحیاب ہونے کے بعد پاکستان کرکٹ بورڈ کے چیئرمین محسن نقوی کے ہاتھوں سے ٹرافی بھی لینے سے انکار کردیا۔