ہندوستان کو ایف آئی بی اے باسکٹ بال ورلڈ کپ ۲۰۲۷ء کوالیفائرس کے اپنے دوسرے میچ میں سعودی عرب کے ہاتھوں ۵۷۔۸۱؍ سے شکست کا سامنا کرنا پڑا۔ یہ میچ چنئی کے جواہر لعل نہرو انڈور اسٹیڈیم میں کھیلا گیا۔

ہندوستان کو ایف آئی بی اے باسکٹ بال ورلڈ کپ ۲۰۲۷ء کوالیفائرس کے اپنے دوسرے میچ میں سعودی عرب کے ہاتھوں ۵۷۔۸۱؍ سے شکست کا سامنا کرنا پڑا۔ یہ میچ چنئی کے جواہر لعل نہرو انڈور اسٹیڈیم میں کھیلا گیا۔ اولمپکس ڈاٹ کام کے مطابق محمد علی عبد الرحمٰن نے سعودی عرب کی جانب سے شاندار کارکردگی پیش کرتے  ہوئے کھیل کے سب سے زیادہ  ۲۴؍ پوائنٹس اسکور کیے، جبکہ ہندوستان کی جانب سے کنور سندھو نے ۱۹؍ پوائنٹس کے ساتھ ٹیم کی قیادت کی۔

لما يكون مصعب قاضي في الصورة.. فاعرف أن أمتع دنك في الجولة محسوم 🫡🔥#StepItUpSuadiArabia - #FIBAWC pic.twitter.com/HK4fmtOqJT

— الاتحاد السعودي لكرة السلة | Saudi Basketball (@sbfksa) November 28, 2025

 سعودی عرب نے میچ کا آغاز شاندار انداز میں کیا، جہاں علی شُبیلی نے پہلے لی-اپ اور پھر تھری پوائنٹر کے ذریعے اسکورنگ کا آغاز کیا۔ ہندوستان نے پرنس پرنَو کے جمپر اور پلپریت سنگھ برار کی لی-اپ سے جواب دینے کی کوشش کی، تاہم سعودی عرب نے جلد ہی میچ پر اپنی گرفت مضبوط کر لی اور سات مسلسل پوائنٹس لے کر پہلے کوارٹر کا اختتام ۹۔۱۹؍ کی برتری کے ساتھ کیا۔

یہ بھی پڑھئے:آن لائن دنیا کی زہریلی ترین عادت آکسفورڈ کا ورڈ آف دی ایئر ’’ریج بیٹ‘‘

دوسرے کوارٹر میں بھی سعودی عرب کا غلبہ برقرار رہا۔ اس دوران عبد الرحمٰن نے مزید ۱۱؍ پوائنٹس اسکور کیے اور مہمان ٹیم نے اپنی  برتری  برقرار رکھتے ہوئے  ۲۱۔۴۳؍ سے ہاف ٹائم مکمل کیا۔  تیسرے کوارٹر میں بھی سعودی ٹیم نے مکمل غلبہ برقرار رکھا اور ہندوستان کو ۱۵۔۲۵؍ سے پیچھے چھوڑ کرسبقت حاصل کی۔ آخری کوارٹر میں بھی سعودی ٹیم نے مسلسل اسکور کرتے ہوئے ہندوستان کو واپسی کا کوئی موقع نہیں دیا۔

یہ بھی پڑھئے:صنعتی پیداوار کی شرح نمو میں کمی، اکتوبر میں شرح نمو صرف۴ء۰؍فیصد رہی

اس شکست کے بعد ہندوستان کوالیفائرز کے ابتدائی ونڈو میں اب تک کوئی کامیابی حاصل نہیں کر سکا۔ ہندوستان اپنا اگلا میچ ۲۷؍ فروری کو دوسری ونڈو میں قطر کے خلاف کھیلے گا۔ ایف آئی بی اے باسکٹ بال ورلڈ کپ ۲۰۲۷ء کے لیے کل۸۰؍ ٹیمیں ۶؍ مختلف ونڈوز میں کوالیفیکیشن کے لیے حصہ لے رہی ہیں۔
ہندوستان گروپ ڈی میں شامل ہے، جہاں اس کے ساتھ لبنان، سعودی عرب اور قطر شامل ہیں۔