۲۰۲۵ء کی آخری سہ ماہی کے لیے دنیا بھر کے طاقتور ترین پاسپورٹس کی فہرست میں ایک بار پھر ایشیائی ممالک سرفہرست ہیں۔ ہینلے اینڈ پارٹنرز کی اکتوبر سے دسمبر ۲۰۲۵ء کے لیے جاری کی گئی فہرست میں ایشیائی ملک سنگاپور کے پاسپورٹ کو ایک بار پھر طاقتور ترین قرار دیا گیا ہے۔

 ۲۰۲۵ء کی آخری سہ ماہی کے لیے دنیا بھر کے طاقتور ترین پاسپورٹس کی فہرست میں ایک بار پھر ایشیائی ممالک سرفہرست ہیں۔ ہینلے اینڈ پارٹنرز کی اکتوبر سے دسمبر ۲۰۲۵ء کے لیے جاری کی گئی فہرست میں ایشیائی ملک سنگاپور کے پاسپورٹ کو ایک بار پھر طاقتور ترین قرار دیا گیا ہے۔ فہرست میں بتایا گیا کہ سنگاپور کے پاسپورٹ رکھنے والے افراد۱۹۳؍ ممالک میں ویزا کے بغیر سفر کرسکتے ہیں۔ دوسرے اور تیسرے نمبر پر بھی۲؍ ایشیائی ممالک موجود ہیں۔ جنوبی کوریا کے حصے میں دوسرا نمبر آیا جس کے پاسپورٹ پر۱۹۰؍ ممالک میں ویزا فری رسائی حاصل ہوجاتی ہے۔ جبکہ جاپانی پاسپورٹ تیسرے نمبر پر رہا جس پر۱۸۹؍ ممالک میں ویزا فری سفر ممکن ہے۔ چوتھا نمبر مشترکہ طور پر ۵؍ممالک کے نام رہا جن کے پاسپورٹس پر۱۸۸؍ ممالک میں ویزا فری سہولت موجود ہے۔یہ ممالک جرمنی، اٹلی، لگسمبرگ، سوئٹزر لینڈ اور اسپین ہیں۔ 

یہ بھی پڑھئے: ہندوستان کو یو این کی انسانی حقوق کونسل کیلئے ۲۰۲۶ء- ۲۸ء کی مدت کیلئے ساتویں مرتبہ منتخب کیا گیا

ڈنمارک، فن لینڈ، فرانس، آئرلینڈ، بیلجیئم، آسٹریا اور نیدرلینڈز کے حصے میں۵؍ واں نمبر آیا اور ان ممالک کے پاسپورٹس سے۱۸۷؍ ممالک میں ویزا فری رسائی مل سکتی ہے۔۱۸۶؍ ممالک میں ویزا فری داخلے کے ساتھ یونان، ہنگری، نیوزی لینڈ ، ناروے اور سویڈن کے پاسپورٹس مشترکہ طور پر چھٹے نمبر پر رہے۔
واضح رہے کہ اس فہرست میں سفر کی آسانی پر توجہ مرکوز کرکے ممالک کی درجہ بندی کی جاتی ہے اور امریکی پاسپورٹ پہلی بار ٹاپ۱۰؍ سے باہر ہوگیا ہے، جو کسی زمانے میں دنیا کا طاقتور ترین پاسپورٹ سمجھا جاتا تھا۔ ایسا اس انڈیکس کی۲۰؍ سالہ تاریخ میں پہلی بار ہوا اور اب یہ۱۲؍ ویں نمبر پر موجود ہے۔ کمپنی کے مطابق چین اور متحدہ عرب امارات کے پاسپورٹس گزشتہ ایک دہائی میں تیزی سے اوپر آنے والے پاسپورٹس ہیں۔ چینی پاسپورٹ کی رینکنگ میں ایک دہائی کے دوران۳۰؍ درجے بہتری آئی اور اب یہ۶۴؍ ویں نمبر پر ہے۔ اسی طرح متحدہ عرب امارات کی رینکنگ میں بھی۱۰؍ سال کے دوران۳۴؍ درجے کی بہتری آئی ہے اور وہ ابھی۸؍ ویں نمبر پر ہے۔س فہرست میں ہندوستان کا مقام ۸۵؍ واں ہے ، جبکہ گزشتہ سال کے مقابلے میں ۵؍ درجہ کی گراوٹ آئی ہے، جو گزشتہ سال ۸۰؍ ویں مقام پر تھا، تاہم اس ویزے کی بناء پر ۵۷؍ ممالک میں ویزا کے بغیر سفر کی سہولت حاصل ہے۔

یہ بھی پڑھئے: وجے مالیا سرکاری بینکوں پر برہم، کہا انہیں شرم آنی چاہئے

پاکستان کمزور ترین پاسپورٹ رکھنے والا چوتھا ملک قرار پایا ہے۔ مجموعی طور پر پاکستانی پاسپورٹ کے حصے میں یمن کے ساتھ مشترکہ طور پر۱۰۳؍ واں نمبر آیا اور اس پر۳۱؍ ممالک میں ویزا فری داخلہ ممکن ہے۔ پاکستان سے نیچے عراق (۱۰۴؍)، شام( ۱۰۵؍) اور افغانستان (۱۰۶؍) رہے۔ پاکستان سے اوپر صومالیہ ۱۰۲؍ ویں، نیپال۱۰۱؍ ویں، شمالی کوریا اور بنگلہ دیش۱۰۰؍ ویں، فلسطین، اریٹیریا اور لیبیا ۹۹؍ ویں، ایران، سری لنکا اور سوڈان۹۸؍ ویں جبکہ جنوبی سوڈان اور جمہوریہ کانگو۹۷؍ ویں نمبر پر موجود ہیں۔