وانگچک نے سوشل میڈیا پر شیئر کردہ تحریری نوٹ میں لکھا ہے کہ انہوں نے اپنی بھوک ہڑتال اس وقت تک جاری رکھنے کا فیصلہ کیا ہے جب تک نوجوان لیڈران کو پارلیمنٹ ہاؤس میں اراکینِ پارلیمنٹ سے ملنے کی اجازت نہیں دی جاتی۔ انہوں نے حکام سے اپیل کی کہ طلبہ کو پارلیمنٹ کے سامنے اپنے مطالبات پیش کرنے کی اجازت دی جائے۔

۲۸ جون سے بھوک ہڑتال کر رہے لداخ کے سماجی کارکن سونم وانگچک نے پیر کے روز اعلان کیا ہے کہ وہ اپنی بھوک ہڑتال اس وقت تک جاری رکھیں گے جب تک نوجوان طلبہ لیڈران کو اراکینِ پارلیمنٹ سے ملنے کی اجازت نہیں دی جاتی یا پھر جب تک انہیں خود دہلی کے صفدر جنگ اسپتال میں، جہاں وانگچک کو داخل کیا گیا ہے، ان سے ملنے کی اجازت نہیں مل جاتی۔ 

Day #23
I`ll continue my fast........... pic.twitter.com/rfohA8iMkx

— Sonam Wangchuk (@Wangchuk66) July 20, 2026

وانگچک کے ایکس اکاؤنٹ سے شیئر کئے گئے ایک تحریری نوٹ میں انہوں نے لکھا ہے کہ ”میں اپنی بھوک ہڑتال جاری رکھوں گا۔۔۔ میں نے اپنی ہڑتال اس وقت تک جاری رکھنے کا فیصلہ کیا ہے جب تک نوجوان لیڈران کو پارلیمنٹ ہاؤس میں اراکینِ پارلیمنٹ سے ملنے کی اجازت نہیں دی جاتی یا مجھے یہاں اسپتال میں ان سے ملنے کی اجازت نہیں ملتی۔“ انہوں نے مزید لکھا: ”وہ امید کرتے ہیں کہ حکومت وزیرِ تعلیم کا احتساب طے کرے گی۔“ انہوں نے حکام سے اپیل کی کہ طلبہ کو پارلیمنٹ کے سامنے اپنے مطالبات پیش کرنے کی اجازت دی جائے۔

یہ بھی پڑھئے: پارلیمنٹ مارچ: حکومت سے مذاکرت کی کوشش، پولیس کی کارروائی، اہم شخصیات کی شرکت

سی جے پی کا دعویٰ: نڈا نے ’مناسب سطح‘ پر گفتگو کی یقین دہانی کرائی

کاکروچ جنتا پارٹی (سی جے پی) کے ترجمان سوربھ داس نے کہا کہ وزیرِ صحت جے پی نڈا نے ہمیں یقین دہانی کرائی ہے کہ پردھان کے استعفے سمیت ان کے مطالبات پر ”مناسب سطح“ پر گفتگو کی جائے گی۔ خبر لکھے جانے تک، ابھی تک کوئی حتمی وعدہ نہیں کیا گیا ہے۔ داس نے ایکس پر مزید کہا کہ جے پی نڈا کے ساتھ گفتگو کے بعد گروپ ابھی تک حکومت کی طرف سے باضابطہ جواب کا منتظر ہے۔ جب تک ہمارا مطالبہ پورا نہیں ہوتا، احتجاج جاری رہے گا۔

کیرالا ہاؤس کے باہر، جنتر منتر پر سی جے پی کی جانب سے احتجاج بدستور جاری ہے۔