ہسپانوی وزیراعظم پیڈرو سانچیز نے آج ٹی وی پر اعلان کیا کہ وہ غزہ میں اسرائیلی جارحیت کو روکنے کیلئے ۹؍ اقدامات کررہے ہیں جن میں اہم ترین ہتھیاروں کی فروخت پر پابندی اور غزہ نسل کشی سے منسلک افراد کی ملک میں داخلے پر پابندی ہے۔

ہسپانوی وزیر اعظم پیڈرو سانچیز نے پیر کو غزہ میں ’’نسل کشی کو روکنے‘‘ کے اقدامات کے تحت اسرائیل کو ہتھیاروں اور گولہ بارود کی فروخت پر مستقل پابندی لگانے کا اعلان کیا۔ اسپین اسرائیل جانے والے بحری جہازوں اور ہتھیاروں سے لدے طیاروں کے ہسپانوی بندرگاہوں پر کال کرنے یا ہسپانوی فضائی حدود میں داخل ہونے پر بھی پابندی لگائے گا۔ انہوں نے ایک بیان میں کہا کہ اسپین فلسطینی اتھاریٹی اور اقوام متحدہ کی ریلیف اینڈ ورکس ایجنسی برائے فلسطینی پناہ گزینوں (اونروا) کی امداد میں بھی اضافہ کرے گا اور مقبوضہ فلسطینی علاقوں میں اسرائیلی بستیوں میں بننے والی اشیا پر پابندی لگائے گا۔

یہ بھی پڑھئے: اسپین: اسرائیلی سائیکلنگ ٹیم نے احتجاج کے بعدجرسی سے’’ اسرائیل ‘‘لفظ ہٹا دیا

انہوں نے کہا کہ ’’ہمیں امید ہے کہ (اقدامات) وزیر اعظم نیتن یاہو اور ان کی حکومت پر فلسطینی آبادی کےمصائب کو کم کرنے کیلئےدباؤ میں اضافہ کریں گے۔ اسپین ہر اس شخص پر بھی پابندی عائد کرے گا گا جس نے براہ راست نسل کشی میں حصہ لیا ہو۔‘‘ سانچیز نے کہا کہ ’’جب کہ اسرائیل کو اپنے وجود اور دفاع کا حق حاصل ہے، لیکن اسے ’’بے دفاع لوگوں کو ختم کرنے‘‘ کا اختیار حاصل نہیں ہے۔‘‘ جیسا کہ انہوں نے غزہ میں دسیوں ہزار شہریوں کی ہلاکت سے نمٹنے میں بین الاقوامی برادری کی ناکامی کا حوالہ دیا۔انہوں نے کہا کہ ہم جانتے ہیں کہ یہ تمام اقدامات حملے یا جنگی جرائم کو روکنے کیلئے کافی نہیں ہوں گے۔ لیکن ہم امید کرتے ہیں کہ وہ وزیر اعظم نیتن یاہو اور ان کی حکومت پر دباؤ بڑھانے، فلسطینی آبادی کے مصائب کو تھوڑا کم کرنے، اور ہسپانوی عوام کو یہ بتانے کیلئے کہ ان کا ملک تاریخ میں درست جانب تھا جب ۲۱؍ ویں صدی کے سب سے بدنام زمانہ واقعات میں سے ایک کا سامنا کرنا پڑا۔‘‘

یہ بھی پڑھئے: اسرائیلی مظاہرین کی ٹرمپ سے یرغمالوں کی رہائی کیلئے فریاد

سانچیز کے اعلان کے جواب میں، اسرائیلی وزیر خارجہ گیڈون ساعر نے ہسپانوی حکومت پر الزام لگایا کہ وہ یہود دشمن ہے اور بدعنوانی کے سنگین اسکینڈلز سے توجہ ہٹانے کیلئے اسرائیل مخالف لائن کا استعمال کر رہی ہے۔ یاد رہے کہ ۴؍ ستمبر کو ا سکاٹش پارلیمنٹ نے ریاست فلسطین کو تسلیم کرنے کیلئےایک تحریک منظور کی، اور اسکاٹش اور برطانیہ کی حکومتوں سے مطالبہ کیا کہ وہ فوری طور پر ریاست اسرائیل اور اس کی فوجی کارروائیوں اور فلسطین پر قبضے میں ملوث کمپنیوں کے بائیکاٹ، انخلا اور پابندیوں کا پیکیج نافذ کریں۔