ٹوفل (TOEFL) امتحان کا انتظام سنبھالنے والے ادارے ’ایجوکیشنل ٹیسٹنگ سروس‘ (ETS) نے امریکی محکمہ خزانہ کی جانب سے ایران میں کام کرنے کیلئے درکار لائسنس معطل کئے جانے کے بعد اس پیش رفت کی تصدیق کی ہے۔ ایرانی میڈیا کی رپورٹ کے مطابق، پیئرسن ٹیسٹ آف انگلش (PTE) اور ڈو لنگو (Duolingo) کے آن لائن ٹیسٹ جیسے متبادلات بھی معطل کر دیئے گئے ہیں۔ ای ٹی ایس کا کہنا ہے کہ طلباء اب بھی پڑوسی ممالک میں جا کر ٹیسٹ دے سکتے ہیں، لیکن بہت سے طلبہ کیلئے مالی طور پر یہ ممکن نہیں ہے۔

ایران پر عائد امریکی پابندیوں کی وجہ سے اسلامی ملک کے اندر انگریزی زبان کی مہارت کے بین الاقوامی امتحانات کو معطل کر دیا گیا ہے جس کے بعد بیرونِ ملک تعلیم حاصل کرنے کے خواہشمند ایرانی طلبہ کے منصوبوں کو بڑا دھچکا پہنچا ہے۔ ٹوفل (TOEFL) امتحان کا انتظام سنبھالنے والے ادارے ’ایجوکیشنل ٹیسٹنگ سروس‘ (ETS) نے امریکی محکمہ خزانہ کی جانب سے ایران میں کام کرنے کیلئے درکار لائسنس معطل کئے جانے کے بعد اس پیش رفت کی تصدیق کی۔ ایرانی میڈیا کی رپورٹ کے مطابق، پیئرسن ٹیسٹ آف انگلش (PTE) اور ڈو لنگو (Duolingo) کے آن لائن ٹیسٹ جیسے متبادلات بھی معطل کر دیئے گئے ہیں۔ ای ٹی ایس کا کہنا ہے کہ طلباء اب بھی پڑوسی ممالک میں جا کر ٹیسٹ دے سکتے ہیں، لیکن بہت سے طلبہ کیلئے مالی طور پر یہ ممکن نہیں ہے۔ 

یہ بھی پڑھئے: جرمنی: مسجد پر اسلام مخالف نعروں اور نو نازی پیغامات درج، چھ ماہ میں ۲۳۱؍ واقعات

ٹیسٹنگ کا یہ تعطل، ایران کے ساتھ جاری جغرافیائی سیاسی کشیدگی کے دوران واشنگٹن کی وسیع تر معاشی دباؤ کی مہم کا حصہ ہے۔ اس تعطل نے پہلے سے موجود معاشی دباؤ کو مزید سنگین بنا دیا ہے: ایرانی ریال مزید گر کر امریکی ڈالر کے مقابلے میں تقریباً ۲۲ لاکھ تک پہنچ چکا ہے، جبکہ اگست کے اواخر میں سالانہ افراطِ زر ۸۹ فیصد تک جا پہنچا ہے۔

اے ایف پی (AFP) کے مطابق، متاثرہ طلبہ شدید مالی اور ذہنی پریشانی کا اظہار کر رہے ہیں۔ لاہیجان سے تعلق رکھنے والی پیسٹری شاپ کی ۳۲ سالہ کارکن نکی، جو اٹلی میں نفسیات کی تعلیم حاصل کرنے کی خواہاں ہیں، نے کہا کہ جب ان کا ٹوفل (TOEFL) ٹیسٹ منسوخ ہوا تو وہ اتنی غمزدہ ہوئیں کہ کئی دنوں تک اپنے کمرے میں روتی رہیں۔ وہ اب کسی پڑوسی ملک جا کر امتحان دینے کے متبادل پر غور کررہی ہیں اور آرمینیا کے سفر کی غرض سے قرض لینے کی کوشش کر رہی ہیں۔

یہ بھی پڑھئے: ہندو وفد کے دورے پر خواتین کو پیچھے ہٹنے کی ہدایت، ایفل ٹاور ایک دن کیلئے بند

تہران سے تعلق رکھنے والی ۳۲ سالہ لیلیٰ، جنہوں نے برلن میں آرٹس کے گریجویٹ پروگرام کو موخر کر دیا تھا، نے کہا کہ وہ ”شدید مایوسی“ کا شکار ہیں اور بیرونِ ملک جا کر ٹیسٹ دینے کی سکت نہیں رکھتیں۔ انہوں نے مزید بتایا کہ وہ اب اس کے بجائے ایران کے اندر ہی اپنی تعلیم جاری رکھنے کا ارادہ رکھتی ہیں۔

اطلاعات کے مطابق ٹیلیگرام جیسے پلیٹ فارمز پر ہزاروں طلبہ آرمینیا، عراق اور ترکی کے سفری اخراجات کا موازنہ کر رہے ہیں۔ ان طلبہ کی کثیر تعداد نے نشاندہی کی ہے کہ استنبول جیسے مقامات صرف امیر امیدواروں کی پہنچ میں ہیں۔

یہ بھی پڑھئے: مغربی کنارہ کےقصبے’قصرہ‘ کے فوجی محاصرے کو ایک ماہ مکمل، پہلے دن کئی بچے اسکول نہیں پہنچ سکے

ایرانی حکام نے اس اقدام کی مذمت کی ہے۔ وزیرِ سائنس حسین سیماعی صراف نے پابندیوں کو ”پتھر کے دور“ کے طرزِ عمل سے تعبیر کرتے ہوئے تنقید کی اور کہا کہ یہ زندگی کے تمام شعبوں میں عام ایرانی شہریوں کو نشانہ بنانے کی واشنگٹن کی کوششوں کی عکاسی کرتی ہیں۔