غزہ امن بورڈ نے اقوام متحدہ کی جنرل اسمبلی سے قبل غزہ کے اہداف کا اعادہ کیا ،بورڈ نے تمام فریقوں پر زور دیا کہ وہ اپنے وعدوں پر عمل کریں اور ایسے اقدامات سے گریز کریں جو جنگ بندی کو نقصان پہنچا سکیں۔

غزہ امن بورڈ نے منگل کو غزہ کے لیے اپنے اہم اہداف کا اعادہ کیا، اس وقت جب عالمی لیڈران اقوام متحدہ کی جنرل اسمبلی کے لیے نیویارک میں جمع ہونے کی تیاری کر رہے ہیں،  بورڈ نے تنازعے کے خاتمے کے لیے روڈ میپ کو آگے بڑھانے کے لیے بین الاقوامی حمایت کا مطالبہ کیا۔امریکی سوشل میڈیا پلیٹ فارم ایکس پر ایک بیان میں، بورڈ نے کہا کہ اس کے مشترکہ اہداف میں غزہ کی غیر فوجی کاری اور بنیاد پرستی کا خاتمہ، مسلسل انسانی امداد اور تعمیر نو، مؤثر فلسطینی شہری اور سیکیورٹی انتظامیہ، اور فلسطینیوں اور اسرائیلیوں کے لیے پائیدار سلامتی شامل ہیں۔ 

یہ بھی پڑھئے: امریکہ-ایران جنگ: ٹرمپ کی ”پوری قوم کو اڑا دینے“ کی دھمکی؛ آئی آر جی سی نے وسیع تر جنگ کا انتباہ دیا

امریکی صدر ڈونالڈ ٹرمپ کی سربراہی میں بورڈ نے کہا کہ اس منصوبے نے تمام اسرائیلی یرغمالیوں کی رہائی اور واپسی، شرم الشیخ میں غزہ امن سربراہی اجلاس، اور اس کے بعد کے اقدامات بشمول اقوام متحدہ کی سلامتی کونسل کی قرارداد۲۸۰۳؍ اور امن بورڈ کے قیام کی راہ ہموار کی۔اس نے یہ بھی کہا کہ ۳۰؍ جولائی کو حماس کے ساتھ طے پانے والا معاہدہ جنگ بندی کے اگلے مراحل کے لیے روڈ میپ فراہم کرتا ہے، جس میں غیر فوجی کاری، اسرائیلی انخلا، فلسطینی انتظامیہ اور تعمیر نو شامل ہیں۔بورڈ نے تمام فریقوں پر زور دیا کہ وہ اپنے وعدوں پر عمل کریں اور ایسے اقدامات سے گریز کریں جو جنگ بندی کو نقصان پہنچا ئیں،جبکہ بین الاقوامی شراکت داروں سے اپیل کی کہ وہ سیاسی حمایت کو عملی وعدوں میں بدلیں۔ 

یہ بھی پڑھئے: پیئرز مورگن کی ایڈ شیرن پر تنقید، کہا ’دباؤ میں آئی ہوئی کٹھ پتلی‘ نظر آئے

مزید برآں بیان میں کہا گیا، ’’اقوام متحدہ کی جنرل اسمبلی بین الاقوامی برادری کو ایک متفقہ فریم ورک کے پیچھے متحد کرنے کا موقع فراہم کرتی ہے،‘‘ ساتھ ہی غزہ میں پائیدار امن اور سلامتی کے لیے ذریعے کے طور پر سفارت کاری پر زور دیا۔واضح رہے کہ ۸؍ اکتوبر۲۰۲۳ء سے، اسرائیل نے غزہ پر اپنی جنگ میں۷۳؍ہزار سے زیادہ فلسطینیوں کو ہلاک اور۱۷۴۰۰۰؍ سے زیادہ کو زخمی کیا ہے، جبکہ اس علاقے کے تقریباً۹۰؍ فیصد بنیادی ڈھانچے کو نقصان پہنچا یا تباہ کیا جا چکا ہے۔