امریکی سینیٹر برنی سیندرز نے ایک بیان میں کہا کہ اسرائیل نواز تنظیم امریکی انتخاب میں نیتن یاہو مخالف امیدواروں کے خلاف لاکھوں ڈالر خرچ کرے گی،جبکہ یہ لاکھوں ڈالر نیتن یاہو پر بڑھتی ہوئی تنقید کےخلاف ایک ہارنے والی جنگ کا حصہ ہے۔

امریکی سینیٹر برنی سینڈرز کا کہنا ہے کہ امریکن اسرائیل پبلک افیئرز کمیٹی (AIPAC) اس موسم خزاں میں ہونے والے کانگریس کے وسط مدتی انتخابات میں ان امیدواروں کو شکست دینے کے لیے ۲۳۳؍ ملین ڈالر خرچ کرنے کے لیے تیار ہے جو اسرائیلی وزیر اعظم بنجمن نیتن یاہو کی حکومت کے خلاف بولتے ہیں۔  سینڈرز نے جمعہ کو امریکی سوشل میڈیا پلیٹ فارم ایکس پر کہا،’’امریکہ میں اسرائیل نواز اعلیٰ لابنگ فرم نیتن یاہو کی انتہا پسند حکومت کے خلاف بولنے کی جرات کرنے والے امیدواروں کو شکست دینے کے لیے۲۳۳؍ ملین ڈالر خرچ کرنے کا ارادہ رکھتی ہے۔‘‘  انہوں نے کہا،’’انہوں نے مشی گن پرائمری میں عبدالسید کو شکست دینے کے لیے۳۳؍ ملین ڈالر خرچ کیے۔ وہ ہار گئے۔ وہ ہارتے رہیں گے۔‘‘

یہ بھی پڑھئے: ٹرمپ کے داماد جیرڈ کشنر کی اسرائیلی اسلحہ ساز کمپنی میں سرمایہ کاری،امریکی میڈیا کا دعویٰ

واضح رہے کہ مشی گن ریاست میں اس سال سینیٹ کی دوڑ میں ڈیموکریٹک امیدوار السید، اسرائیل کے لیے غیر مشروط امریکی فوجی امداد کی سخت مخالفت کرتے رہے ہیں  ساتھ ہی انہوں نے غزہ اور مقبوضہ مغربی کنارے دونوں میں نیتن یاہو حکومت کی پالیسیوں پر تنقید کی ہے۔سینڈرز نے کہا،’’ اسرائیل کے لیے مزید امریکی فوجی امداد نہیں ۔‘‘بعد ازاں نومبر کو ہونے والے امریکی کانگریس کے وسط مدتی انتخابات میں، پولز میں ڈیموکریٹس کو ایوان نمائندگان اور ممکنہ طور پر سینیٹ جیتنے کے لیے بڑے پیمانے پر پسند کیا جا رہا ہے۔

یہ بھی پڑھئے: اسرائیل: اپوزیشن لیڈر کا انکشاف، نوجوان اسرائیلی غزہ میں فلسطینیوں کے قتل کےحامی

ذہن نشین رہے کہ اسرائیل کے بارے میں امریکی رائے دہندگان کا نظریہ تبدیل ہورہا ہے، خاص طور پر غزہ میں نسل کشی کی روشنی میں،علاوہ ازیں اس سال عہدے کے لیے انتخاب لڑنے والے بہت سے ڈیموکریٹس نے نیتن یاہو حکومت کی پالیسیوں اور فلسطینیوں کو بے گھر کرنے اور مشرق وسطیٰ میں امن کی کسی بھی کوشش کو پامال کرنے کی کوششوں کے خلاف سخت موقف اختیار کیا ہے۔