افغانستان کے کپتان رحمت شاہ نے بنگلہ دیش کے خلاف واحد ٹیسٹ میچ میں شاندار سنچری بنا کر تاریخ رقم کردی۔ انہوں نے شیخ زاید اسٹیڈیم میں کھیلے جا رہے ٹیسٹ مقابلے میں کپتان کی حیثیت سے اپنے پہلے ہی میچ میں سنچری بنانے کا اعزاز حاصل کیا اور ایسا کرنے والے افغانستان کے پہلے بلے باز بن گئے۔

افغانستان کے کپتان رحمت شاہ نے بنگلہ دیش کے خلاف واحد ٹیسٹ میچ میں شاندار سنچری بنا کر تاریخ رقم کردی۔ انہوں نے اتوار کو شیخ زاید اسٹیڈیم میں کھیلے جا رہے ٹیسٹ مقابلے میں کپتان کی حیثیت سے اپنے پہلے ہی میچ میں سنچری بنانے کا اعزاز حاصل کیا اور ایسا کرنے والے افغانستان کے پہلے بلے باز بن گئے۔ بنگلہ دیش کی پہلی اننگز کے ۳۴۶؍ رنز کے جواب میں رحمت شاہ نے افغان ٹیم کی جانب سے ذمہ دارانہ بلے بازی کرتے ہوئے ۱۰۵؍ رنز بنائے، تاہم ان کی شاندار اننگز کے باوجود افغانستان کی ٹیم پہلی اننگز میں بڑا اسکور بنانے میں ناکام رہی۔

Afghanistan skipper Rahmat Shah steps up with a Test century under pressure against Bangladesh in Abu Dhabi👊 📝: https://t.co/9IJz6flrJl https://t.co/NtGLXoQfSy

— ICC (@ICC) October 11, 2026

یہ بھی پڑھئے:نصیرالدین شاہ سلمان رشدی کی قاتلانہ حملے سے متعلق یادداشت کو اسٹیج پر پیش کریں گے

رحمت شاہ نے اپنی اننگز کے دوران ۲۱۶؍ گیندوں کا سامنا کیا اور ۱۰ ؍چوکے اور ۲ ؍چھکے لگائے۔ انہوں نے ایک جانب وکٹیں گرنے کے باوجود اپنی توجہ برقرار رکھی اور ٹیم کو مشکل صورتِ حال سے نکالنے کی کوشش کی۔ رحمت شاہ نے رواں سال جولائی میں حشمت اللہ شاہدی سے ٹیسٹ اور ایک روزہ بین الاقوامی کرکٹ کی کپتانی کی ذمہ داری سنبھالی تھی۔ کپتان کی حیثیت سے اپنے پہلے ہی ٹیسٹ میچ میں سنچری بنا کر انہوں نے افغان کرکٹ میں ایک نئی تاریخ رقم کی۔افغانستان کی جانب سے عبد المالک نے بھی عمدہ بلے بازی کا مظاہرہ کیا۔ انہوں نے ۱۲۰؍ گیندوں پر ۶۲؍ رنز بنائے اور رحمت شاہ کے ساتھ مل کر ٹیم کی اننگز کو سنبھالنے کی کوشش کی۔ وکٹ کیپر بلے باز اکرام علی خیل نے ۱۰۳ ؍گیندوں کا سامنا کرتے ہوئے ۳۲ ؍رنز کا تعاون دیا۔ ان بلے بازوں کی کوششوں کے باوجود افغانستان کی ٹیم بنگلہ دیش کے پہلی اننگز کے اسکور کا مؤثر جواب دینے میں کامیاب نہیں ہو سکی۔

یہ بھی پڑھئے:ارجنٹائنا کی ٹیم کو الوداع کہنے کے بعد پہلے ہی میچ میں میسی کے انٹر میامی کیلئے ۲؍ گول

میچ کے دوسرے دن کے اختتام پر افغانستان نے چار وکٹوں کے نقصان پر ۲۱۱؍ رنز بنائے تھے اور ٹیم ایک مستحکم پوزیشن میں دکھائی دے رہی تھی، لیکن اس کے بعد افغان بلے بازی اچانک لڑکھڑا گئی۔ ٹیم نے اپنے آخری چھ وکٹ صرف ۲۹ ؍رنز کے اضافے پر گنوا دیے، جس کے نتیجے میں پوری اننگز ۲۴۰؍ رنز پر سمٹ گئی۔ اس طرح افغانستان بنگلہ دیش کے پہلی اننگز کے اسکور سے ۱۰۶ ؍رنز پیچھے رہ گیا۔ بنگلہ دیش کے تیز گیند باز حسن محمود نے شاندار بولنگ کرتے ہوئے افغانستان کی بیٹنگ لائن کو تہس نہس کردیا۔ انہوں نے پانچ وکٹ حاصل کیے اور ہیٹ ٹرک بھی مکمل کی۔ اس کارنامے کے ساتھ حسن محمود ٹیسٹ کرکٹ میں ہیٹ ٹرک کرنے والے بنگلہ دیش کے پہلے تیز گیند باز بن گئے۔ حسن محمود سے پہلے بنگلہ دیش کی جانب سے ٹیسٹ کرکٹ میں ہیٹ ٹرک کا اعزاز الوک کَپالی نے ۲۰۰۳ء میں پاکستان کے خلاف حاصل کیا تھا، جبکہ سوہاغ غازی نے ۲۰۱۳ء میں نیوزی لینڈ کے خلاف یہ کارنامہ انجام دیا تھا۔ اس طرح حسن محمود ٹیسٹ کرکٹ میں ہیٹ ٹرک کرنے والے بنگلہ دیش کے تیسرے مجموعی گیند باز بن گئے۔ بنگلہ دیش کے ایک اور گیند باز عبادت حسین نے بھی عمدہ بولنگ کرتے ہوئے چار وکٹ حاصل کیے۔