بیلاروس کی شہرہ آفاق ٹینس اسٹار اور عالمی نمبر ون آرینا سبالینکا اور امریکی نامور ٹینس اسٹار کوکوگف اپنی فتوحات کے تسلسل کو برقرار رکھتے ہوئے ڈبلیو ٹی اے ووہان اوپن ٹینس ٹورنامنٹ میں خواتین کے سنگلز مقابلوں کے سیمی فائنل میں پہنچ گئیں۔

بیلاروس کی شہرہ آفاق ٹینس اسٹار اور عالمی نمبر ون آرینا سبالینکا اور امریکی نامور ٹینس اسٹار کوکوگف اپنی فتوحات کے تسلسل کو برقرار رکھتے ہوئے ڈبلیو ٹی اے ووہان اوپن ٹینس ٹورنامنٹ میں خواتین کے سنگلز مقابلوں کے سیمی فائنل میں پہنچ گئی ہیں جبکہ قزاخستان کی اسٹار کھلاڑی ایلینا ریبا کینا کوارٹر فائنل رائونڈ میں ہار کر ایونٹ سے باہر ہوگئیں۔

Gauff gets it done 💪@CocoGauff defeats Uchijima in straight sets to reach the Round of 16 in Wuhan.#WuhanOpen pic.twitter.com/09QipMexNq

— wta (@WTA) October 8, 2025

ای ایس پی این کے مطابق ۲۷؍ سالہ بیلاروسی ٹینس کھلاڑی اور ایونٹ کی ٹاپ سیڈیڈ آرینا سبالینکا ویمنز سنگلز کوارٹر فائنل میچ میں قزاخستان کی ایلینا ریبا کینا کو سیدھے سیٹوں  میں۰۔۲؍ سے شکست دی جبکہ امریکی ٹینس اسٹار کوکوگف نے ٹاپ ۸؍ میچ میں جرمنی کی ٹینس کھلاڑی لورا سیگمنڈ کو شکست دے کر ٹاپ فور رائونڈ کے لئے کوالیفائی کیا۔ 

یہ بھی پڑھیئے:اسمرتی مندھانا نے جنوبی افریقہ کے خلاف عالمی ریکارڈ بنا دیا

چین کے شہر ووہان کے وینیو آپٹکس ویلی انٹرنیشنل ٹینس سینٹرمیں کھیلے جانے والے  ڈبلیو ٹی اے ایونٹ کے کوارٹر فائنل میچ میں ۲۷؍ سالہ بیلاروسی ٹینس کھلاڑی اور ایونٹ کی ٹاپ سیڈیڈ آرینا سبالینکا انتہائی شاندار کارکردگی کا مظاہرہ کرتے ہوئے حریف قزاخستان کی ایلینا ریبا کینا کوسیدھے سیٹوں میں۳۔۶، ۳۔۶؍ سے شکست دے کرنہ صرف سیمی فائنل کے لئے کوالیفائی کیا بلکہ ووہان اوپن میں مسلسل ۲۰؍ویں فتح سمیٹی۔سیمی فائنل میچ میں آرینا سبالینکا کا مقابلہ امریکی ٹینس کھلاڑی جیسیکا پیگولا سے ہوگا۔کوارٹر فائنل رائونڈ کے ایک اور میچ میں امریکہ کی نامور ٹینس کھلاڑی اور ایونٹ کی تھرڈ سیڈیڈ کوکوگف نے عمدہ کھیل پیش کرتے ہوئے جرمنی کی حریف کھلاڑی لورا سیگمنڈ کو  سیدھے سیٹوں میں۳۔۶، ۰۔۶؍ سے ہرا کر سیمی فائنل کے لئے کوالیفائی کیا۔