چیمپئن لیگ ۲۰۲۶ء کے سیمی فائنل کے پہلے مرحلے میں اسپین کے میٹروپولیٹانو اسٹیڈیم میں ایٹلیٹیکو میڈرڈ اور آرسنل کے درمیان مقابلہ ۱۔۱؍گول کی برابری پر ختم ہوا۔ فائنل کا ٹکٹ حاصل کرنے کے لیے اگلے ہفتے دونوں ٹیمیں لندن میں ایک دوسرے کے مدمقابل ہوں گی۔

چیمپئن لیگ ۲۰۲۶ء کے سیمی فائنل کے پہلے مرحلے میں اسپین کے میٹروپولیٹانو اسٹیڈیم میں ایٹلیٹیکو میڈرڈ اور آرسنل کے درمیان مقابلہ ۱۔۱؍گول کی برابری پر ختم ہوا۔ فائنل کا ٹکٹ حاصل کرنے کے لیے اگلے ہفتے دونوں ٹیمیں لندن میں ایک دوسرے کے مدمقابل ہوں گی۔

Your support last night was incredible ❤️🤍

Our people, our strength. Thank you, atléticos 🫶 pic.twitter.com/DISTYc9ZZb

— Atlético de Madrid (@atletienglish) April 30, 2026

میچ میں دونوں گول پنالٹی پر ہوئے۔ آرسنل کے لیے یہ ڈرا کچھ حد تک مایوس کن رہا کیونکہ وی اے آر کی دیر سے مداخلت کے باعث انہیں دوسری پنالٹی کا موقع نہیں مل سکا، جو شاید میچ کا نتیجہ بدل سکتی تھی۔ایٹلیٹیکو میڈرڈ نے اپنے ہوم گراؤنڈ پر مضبوط آغاز کیا۔ ٹیم نے لیفٹ ونگ پر ایڈی موولا لوک مین اور گول پوسٹ کے نیچے جان اوبلاک کو شامل کیا جبکہ مڈفیلڈ میں پابلو بیریوس کی غیر موجودگی میں جونی کارڈوسو نے ذمہ داری سنبھالی۔ دوسری جانب آرسنل کے لیے ایبیریچی ایزی اور بوکایو ساکا مکمل طور پر فٹ نہیں تھے اور انہیں بینچ پر رکھا گیا۔
مقابلے کی شروعات سے ہی دونوں ٹیمیں محتاط نظر آئیں اور کسی بھی دفاعی غلطی سے بچنے کی کوشش کرتی رہیں۔ آرسنل کے نوونی مادویکے نے دائیں جانب سے شاندار دوڑ لگا کر پہلا موقع بنایا، جبکہ گول کیپر ڈیوڈ رایا نے گولیانو سیمیونے کے حملے کو ناکام بنا دیا۔

یہ بھی پڑھئے:پریٹی زنٹا نے پاپرازی کلچر کو ’’خوفناک‘‘ کہا، بچوں کی پرائیویسی پر سخت مؤقف

پہلے ہاف کے آخری منٹ میں آرسنل کو پنالٹی ملی جب وکٹر گیوکرش کو ڈیوڈ ہنکو نے باکس کے اندر دھکا دیا۔ گیوکرش نے خود پنالٹی لے کر ٹیم کو ۰۔۱؍گول کی برتری دلا دی۔ تاہم دوسرے ہاف کے آغاز میں ہی ایٹلیٹیکو نے واپسی کر لی۔ ۵۶؍ویں منٹ میں بین وائٹ کے ہینڈ بال کے بعد وی اے آر کی مدد سے ایٹلیٹیکو کو پنالٹی ملی، جسے جولین الواریز نے گول میں تبدیل کر کے اسکور ۱۔۱؍کر دیا۔

یہ بھی پڑھئے:تیل کی عالمی قیمت ۱۴۰؍ ڈالر تک پہنچ جائے گی: باقر قالیباف

۷۸؍ویں منٹ میں آرسنل کو ایک اور پنالٹی کی امید پیدا ہوئی، لیکن وی اے آر نے ریفری کے فیصلے کو تبدیل کر دیا۔ اس کے بعد بھی آرسنل نے کوشش جاری رکھی، مگر کوئی بھی ٹیم فیصلہ کن گول نہ کر سکی۔ آخرکار مقابلہ ۱۔۱؍کی برابری پر ختم ہوا۔