یوئیفا چیمپئن لیگ کے فاتح پیرس سینٹ جرمین (پی ایس جی) فٹبال کلب کو گزشتہ سیزن میں سب سے زیادہ انعامی رقم ملی، جو۴ء۱۴۴؍ ملین یورو (تقریباً ۱۶۸؍ ملین ڈالر) رہی۔ یہ اعداد و شمار یوئیفا کی جانب سے ۲۵۔۲۰۲۴ء سیزن کے لیے جاری کردہ مالیاتی رپورٹ میں تصدیق کے ساتھ سامنے آئے ہیں۔

 یوئیفا چیمپئن لیگ کے فاتح پیرس سینٹ جرمین (پی ایس جی) فٹبال کلب کو گزشتہ سیزن میں سب سے زیادہ انعامی رقم ملی، جو۴ء۱۴۴؍  ملین یورو (تقریباً  ۱۶۸؍ ملین ڈالر) رہی۔ یہ اعداد و شمار یوئیفا کی جانب سے  ۲۵۔۲۰۲۴ء سیزن کے لیے جاری کردہ مالیاتی رپورٹ میں تصدیق کے ساتھ سامنے آئے ہیں۔
رپورٹ کے مطابق، چیمپئن لیگ کے نئے اور توسیع شدہ فارمیٹ کے تحت یورپ کے ۳۶؍ ایلیٹ کلبوں میں مجموعی طور پر۴۷ء۲؍ ارب یورو تقسیم کیے گئے، جو پچھلے سیزن کے مقابلے میں تقریباً ۴۰۰؍ ملین یورو زیادہ ہیں۔ فائنل میں شکست پانے والی انٹر میلان فٹبال کلب کی ٹیم  انعامی رقم کی فہرست میں دوسرے نمبر پر رہی، جسے۶ء۱۳۶؍ ملین یورو (۱۵۹؍ ملین ڈالر) حاصل ہوئے۔ اس سیزن میں سات کلبوں کو کم از کم ۱۰۰؍ ملین یورو انعامی رقم ملی جبکہ اس سے قبل صرف پانچ کلب اس حد تک پہنچ پائے تھے۔

🔄 97.5% reinvested!

📈 @UEFA reinvests the majority of #UCL earnings back into the game, to continue developing all levels of European football! pic.twitter.com/gJCwgWKqMO

— UEFA Champions League (@ChampionsLeague) January 9, 2026

آسٹن ولا واحد کوارٹر فائنلسٹ تھا جسے ۱۰۰؍ ملین یورو سے کم رقم ملی۔ اسے ۷ء۸۳؍ ملین یورو  دیئے گئے، جس کی ایک وجہ ۴۱؍ سال بعد یورپی مقابلے میں واپسی پر اس کی کم یوئیفا رینکنگ بتائی گئی ہے۔ ریئل میڈرڈ فٹبال کلب کو آرسنل فٹبال کلب کے ہاتھوں کوارٹر فائنل میں شکست کے باعث تقریباً۱۰۲؍ملین یورو ملے، جو ۲۰۲۴ء میں  خطاب جیتنے کے مقابلے میں ۳۷؍ ملین یورو کم ہیں۔ تاہم، یوئیفا سپر کپ جیتنے پر ریئل میڈرڈ کو اضافی ۵؍ ملین یورو ملے  جبکہ اٹلانٹا فٹبال کلب کو ۴؍ ملین یورو دیے گئے۔

یہ بھی پڑھئے:فیفا ورلڈ کپ : امریکی سفری پابندیوں نے افریقی شائقین کی امیدوں پر پانی پھیر دیا

انگلش کلب مانچسٹر سٹی فٹبال کلب  چار انگلش ٹیموں میں سب سے کم کمانے والا رہا۔ریئل میڈرڈ کے خلاف ناک آؤٹ پلے آف میں اخراج کے بعد سٹی کو ۷۶؍ ملین یورو ملے۔ سب سے کم رقم سلووان براتسلاوا کو ملی، جسے ۲۲؍ ملین یورو سے بھی کم ادا کیے گئے، کیونکہسلوواکیہ کی چیمپئن ٹیم لیگ مرحلے کے تمام آٹھ میچ ہار گئی تھی۔

یہ بھی پڑھئے:شاہد کپور کی فلم ’’او رومیو‘‘ ریلیز سے قبل ہی تنازعات میں گھری

یوروپا لیگ میں چیمپئن بننے والی ٹوٹنہم کو۴۱؍ ملین یورو ملے، جبکہ رنر اپ مانچسٹر یونائیٹڈ کو ۳۶؍ ملین یورو ادا کیے گئے۔ کانفرنس لیگ میں ٹائٹل جیتنے پر چیلسی کو۸ء۲۱؍ ملین یورو ملے، اور اب وہ دوبارہ چیمپئن لیگ میں شامل ہو چکی ہے۔ ادھر یوئیفا کی رپورٹ کے مطابق ادارے کے صدر الیگزینڈر چیفرن نے گزشتہ سیزن میں کوئی تنخواہ اضافہ نہیں لیا۔ انہیں ۳۲؍ لاکھ ۵۰؍ ہزار سوئس فرانک (تقریباً ۴۰؍ لاکھ ڈالر) بطور معاوضہ ادا کیا گیا  جبکہ جنرل سیکریٹری تھیوڈور تھیوڈورائڈس کی تنخواہ اور بونس میں اضافہ ہوا، جس کے بعد ان کی مجموعی آمدن ۲۰؍ لاکھ ۵۰؍ ہزار سوئس فرانک تک پہنچ گئی۔