ایران، امریکہ اور اسرائیل کے درمیان جاری حالیہ جنگی صورتحال نے عراق کی فیفا ورلڈ کپ ۲۰۲۶ء کے لیے کوالیفائی کرنے کی کوششوں کو شدید دھچکا پہنچایا ہے۔۴۰؍برسوں میں پہلی بار ورلڈ کپ فائنلز تک پہنچنے کا خواب اب سفری پابندیوں اور فضائی حدود کی بندش کی نذر ہوتا دکھائی دے رہا ہے۔

ایران، امریکہ اور اسرائیل کے درمیان جاری حالیہ جنگی صورتحال نے عراق کی فیفا ورلڈ کپ ۲۰۲۶ء کے لیے کوالیفائی کرنے کی کوششوں کو شدید دھچکا پہنچایا ہے۔۴۰؍برسوں میں پہلی بار ورلڈ کپ فائنلز تک پہنچنے کا خواب اب سفری پابندیوں اور فضائی حدود کی بندش کی نذر ہوتا دکھائی دے رہا ہے۔
عراقی قومی ٹیم کے ہیڈ کوچ گراہم آرنالڈ اس وقت متحدہ عرب امارات  میں محصور ہیں اور فضائی حدود کی بندش کے باعث وہاں سے نکلنے سے قاصر ہیں۔ اس کے علاوہ خطے میں جاری تنازع کی وجہ سے کئی ممالک کے سفارت خانے بند ہو چکے ہیں، جس کے نتیجے میں کھلاڑیوں اور معاون عملے کو میکسیکو جانے کے لیے ضروری ویزوں کے حصول میں شدید مشکلات کا سامنا ہے۔
عراق کو ۳۱؍ مارچ کو میکسیکو کے شہر مونٹیری میں بولیویا یا سورینام کے خلاف ورلڈ کپ کے بقیہ کوالیفائنگ مقامات کے لیے ایک اہم پلے آف میچ کھیلنا ہے۔  عراقی ٹیم مینجمنٹ کے مطابق وہ فیفا  اور ایشین فٹ بال کنفیڈریشن  کے ساتھ مسلسل رابطے میں ہیں تاکہ موجودہ  سیکوریٹی  صورتحال میں ٹیم کی شرکت کو یقینی بنایا جا سکے۔
اگر عراقی ٹیم تمام تر رکاوٹوں کے باوجود کوالیفائی کرنے میں کامیاب ہو جاتی ہے، تو وہ جون میں شروع ہونے والے عالمی میلے میں گروپ آئی کا حصہ بنے گی۔ اس گروپ میں فرانس، سینیگال اور ناروے جیسی مضبوط ٹیمیں پہلے سے موجود ہیں۔عراقی فیڈریشن نے اپنے مداحوں کو یقین دلایا ہے کہ وہ صورتحال پر گہری نظر رکھے ہوئے ہیں اور کھلاڑیوں کی میکسیکو روانگی کے لیے متبادل راستوں اور انتظامات پر غور کیا جا رہا ہے۔
برازیلین فٹ بال: فلیمنگو نے لیونارڈو جارڈیم کو نیا ہیڈ کوچ مقرر کر دیا
 برازیل کے معروف فٹ بال کلب فلیمنگو نے اپنی ٹیم کی کارکردگی کو بہتر بنانے کے لیے تجربہ کار پرتگالی کوچ لیونارڈو جارڈیم کے ساتھ باقاعدہ معاہدہ کر لیا ہے۔ یہ فیصلہ سیزن کے مایوس کن آغاز کے بعد ٹیم کو دوبارہ ٹریک پر لانے کے لیے کیا گیا ہے۔ پرتگالی کوچ نے دسمبر ۲۰۲۷ءتک کے طویل مدتی معاہدے پر دستخط کیے ہیں۔۵۱؍سالہ جارڈیم نے ذمہ داریاں سنبھالتے ہی ٹیم کے ساتھ اپنی پہلی تربیتی نشست مکمل کر لی ہے۔جارڈیم وہی کوچ ہیں جنہوں نے۲۰۱۷ء میں موناکو کو فرانسیسی لیگ ون کا ٹائٹل جتایا تھا۔یہ تبدیلی ٹیم کے سابق کوچ فلیپ لوئس کو عہدے سے ہٹانے کے بعد عمل میں آئی ہے۔

یہ بھی پڑھئے:کرسٹیانو رونالڈو انجری کا شکار،۴؍ ہفتوں کے لیے میدان سے باہر

فلیپ لوئس کو ۳؍ مارچ ۲۰۲۶ء کو غیر تسلی بخش کارکردگی کی بنیاد پر ہٹایا گیا تھا۔۲۰۲۶ء کے سیزن کے پہلے تین میچوں میں فلیمنگو صرف ۴؍ پوائنٹس حاصل کر سکی۔ فلیمنگو اس وقت برازیل کی ۲۰؍ ٹیموں والی سیری اے  میں گیارہویں پوزیشن پر ہے۔

یہ بھی پڑھئے:’’دی بیڈز آف بالی ووڈ‘‘ دیکھ کرایچ بی او آرین خان کا مداح بن گیا، سیریز بنانے کی پیشکش

لیونارڈو جارڈیم بین الاقوامی فٹ بال میں ایک معتبر نام مانے جاتے ہیں۔ وہ دسمبر ۲۰۲۵ء میں برازیلین کلب کروزیرو سے علیحدگی کے بعد سے کسی ٹیم سے وابستہ نہیں تھے، تاہم فلیمنگو کی پیشکش نے انہیں دوبارہ میدان میں لا کھڑا کیا ہے۔ ان کی آمد سے کلب کو توقع ہے کہ وہ اپنی دفاعی اور جارحانہ حکمتِ عملی سے ٹیم کو دوبارہ ٹاپ پوزیشنز پر لے آئیں گے۔