اورلا پرینڈرگاسٹ کی شاندار آل راؤنڈ کارکردگی کی بدولت آئرلینڈ کی خواتین کرکٹ ٹیم نے ٹی۲۰؍انٹرنیشنل میں ویسٹ انڈیز کے خلاف اپنی پہلی تاریخی کامیابی حاصل کر لی ہے۔

اورلا پرینڈرگاسٹ کی شاندار آل راؤنڈ کارکردگی کی بدولت آئرلینڈ کی خواتین کرکٹ ٹیم نے ٹی۲۰؍انٹرنیشنل میں ویسٹ انڈیز کے خلاف اپنی پہلی تاریخی کامیابی حاصل کر لی ہے۔ پرینڈرگاسٹ نے پہلے گیند بازی میں کمال دکھایا اور پھر ہدف کا تعاقب کرتے ہوئے ۷۱؍ رن کی ناقابلِ شکست اننگز کھیلی۔ اس سنسنی خیز سہ فریقی سیریز کے مقابلے میں آئرلینڈ نے ڈک ورتھ لوئس  طریقہ کار کے تحت ویسٹ انڈیز کو محض ایک رن سے شکست دے کر فائنل میں پہنچنے کی اپنی امیدوں کو مضبوط کر لیا ہے۔

Orla Prendergast`s all-round heroics guided Ireland to their first-ever T20I victory against the West Indies 👏

More 👉 https://t.co/YXyfr8JVsy pic.twitter.com/PpOu38pGKF

— ICC (@ICC) June 2, 2026

ٹاس جیت کر پہلے بلے بازی کرتے ہوئے ویسٹ انڈیز کی شروعات انتہائی مایوس کن رہی۔ آئرش گیند باز ایوا کیننگ نے پاور پلے میں ہی دو اہم وکٹ لے کر ویسٹ انڈیز کو دباؤ میں ڈال دیا۔ پانچ اوورز کے اندر ہی اوپری بلے بازی کا شیرازہ بکھرنے کی وجہ سے کیریبین ٹیم رنز کی رفتار بڑھانے کے لیے جدوجہد کرتی نظر آئی۔ آخری اوورز میں نچلے نمبر کے بلے بازوں کی بدولت ویسٹ انڈیز مقررہ ۲۰؍ اوورز میں۱۴۱؍ رن بنانے میں کامیاب رہا۔۱۴۲؍ رن  کے ہدف کا تعاقب کرتے ہوئے آئرلینڈ کی شروعات بھی بھیانک رہی۔

یہ بھی پڑھئے:فلم ’’دِرِیشیم۳‘‘: اجے دیوگن کی فلم کی شوٹنگ مکمل، پوسٹ پروڈکشن پرکام شروع

 ویسٹ انڈیز کی شانشا ہیکٹر نے تباہ کن گیند بازی کرتے ہوئے اننگز کی پہلی چار گیندوں کے اندر ہی آئرلینڈ کے دونوں اوپنرز کو پویلین کی راہ دکھا دی۔ اس کٹھن موڑ پر اورلا پرینڈرگاسٹ کریز پر آئیں اور انہوں نے جارحانہ انداز اپناتے ہوئے میچ کا رخ بدل دیا۔۱۴؍ اوورز کے بعد آئرلینڈ کا اسکور ۵؍ وکٹ پر ۹۵؍ رن تھا، جس میں اکیلے پرینڈرگاسٹ کے ۷۱؍ رنز شامل تھے، اور اس وقت آئرلینڈ ڈی ایل ایس (DLS) پار اسکور سے ۳؍ رن پیچھے تھا۔

یہ بھی پڑھئے:ہندوستان عالمی ڈجیٹل معیشت میں پانچویں اور اے آئی میں چوتھے مقام پر: سائیڈ ۲۰۲۶ء رپورٹ

اسی دوران آسمان پر کالے بادل چھا گئے اور امپائرز نے بارش شروع ہونے سے قبل ایک آخری گیند کرانے کا فیصلہ کیا۔ لوئس لٹل نے اس گیند پر ڈرامائی انداز میں شاندار چوکا جڑ دیا۔ اگلی ہی گیند پر بارش تیز ہو گئی اور کھلاڑیوں کو میدان سے باہر جانا پڑا۔ اس چوکے کی بدولت آئرلینڈ ڈی ایل ایس میتھڈ کے تحت ویسٹ انڈیز سے ایک رن آگے نکل چکا تھا، اور دوبارہ کھیل ممکن نہ ہونے کی وجہ سے آئرلینڈ کو فاتح قرار دے دیا گیا۔