اگر پرتگال نے توقع کے مطابق ۲۰۲۶ء کے ورلڈ کپ کے لیے کوالیفائی کرلیتاہے تو کرسٹیانو رونالڈو کو ابتدائی میچوں میں پابندی کا سامنا کرنا پڑے گا۔ فٹبال سپر اسٹار کو جمعرات کو ڈبلن میں کھیلے گئے کوالیفائنگ میچ کے دوسرے ہاف میں آئرلینڈ کے دفاعی کھلاڑی دارا اوشیا کو کہنی مارنے پرمیدان سے رخصت کیا گیا۔

 اگر پرتگال نے توقع کے مطابق ۲۰۲۶ء کے ورلڈ کپ کے لیے کوالیفائی کرلیتاہے تو کرسٹیانو رونالڈو کو ابتدائی میچوں میں پابندی کا سامنا کرنا پڑے گا۔ فٹبال سپر اسٹار کو جمعرات کو ڈبلن میں کھیلے گئے کوالیفائنگ میچ کے دوسرے ہاف میں آئرلینڈ کے دفاعی کھلاڑی دارا اوشیا کو کہنی مارنے پرمیدان سے رخصت کیا گیا۔اس میچ میں پرتگال کو ۰۔۲؍گول سے شکست ہوئی تھی۔ رونالڈو پرتگال اور آرمینیا کے درمیان اتوار کو ہونے والے میچ میں شرکت نہیں کریں گے۔ اس میچ میں جیت سے پرتگال کو ورلڈ کپ کے لیے کوالیفائی کرنے کا موقع ملے گا جس کے میزبان امریکہ، کنیڈا اور میکسیکو ہو ں گے۔

یہ بھی پڑھئے: فرانس نے یوکرین کو شکست دے کر ورلڈ کپ میں جگہ یقینی بنائی

فیفا کے تادیبی قوانین کے مطابق جج کو ’’سنگین فاؤل پلے‘‘ کے لیے کم از کم دو میچوں کی پابندی عائد کرنے کی ضرورت ہوتی ہے۔’’پرتشدد طرز عمل‘‘ میں کم از کم تین میچوں کی پابندی عائد ہوتی ہے۔ اگر کہنی کو پرتشدد قرار دیا گیا تو رونالڈو کو تین میچوں کی پابندی کا سامنا کرنا پڑ سکتا ہے۔ فیفا کی پابندی کا اطلاق مسابقتی میچوں پر ہوتا ہے اور اسے پری ٹورنامنٹ وارم اپ میچوں پر نہیں لگایا جا سکتا۔
 اویوااسٹیڈیم میں تقریباً ایک گھنٹے کے کھیل کے بعد رونالڈو نے اوشیا کو اپنی دائیں کہنی سے پیٹھ میں مارا تھا۔ اس میں آئرلینڈ کو ۰۔۲؍ کی حیران کن برتری حاصل تھی۔ ریفری نے شروع میں پیلا کارڈ دکھایا لیکن ویڈیو ریویو کے بعد اسے سرخ کارڈ میں تبدیل کر دیا۔

یہ بھی پڑھئے: میراسعودی عرب جانے کا فیصلہ درست تھا:کرسٹیانو رونالڈو

آئرش شائقین کی جانب سے بدتمیزی کے بعد رونالڈو نے میدان چھوڑنے سے قبل ایک لمحے کے لیے توقف کیا اور مداحوں کی طرف دیکھا۔ انہوں نے طنزیہ انداز میں تالیاں بجائیں اور طنزیہ انداز میں انگوٹھا دیا۔ رونالڈو فروری میں ۴۱؍سال کے ہو جائیں گے اور ان کا مقصد ریکارڈ چھٹا ورلڈ کپ ٹورنامنٹ کھیلنا ہے۔