نوجوان نے ایک ہی سیزن میں اورنج کیپ، ایم وی پی اور ایمرجنگ پلیئر ایوارڈز اپنے نام کر لیے۔

 انڈین پریمیئر لیگ  ۲۰۲۶ء میں راجستھان رائلز کے نوجوان اوپننگ بلے باز ویبھو سوریا ونشی نے کرکٹ کی تاریخ بدل دی۔ انہیں اس سیزن کا موسٹ ویلیو ایبل پلیئر اور ایمرجنگ پلیئر آف دی ٹورنامنٹ منتخب کیا گیا ہے۔ آئی پی ایل کی تاریخ میں سوریا ونشی یہ دونوں باوقار ایوارڈز ایک ساتھ جیتنے والے پہلے کھلاڑی بن گئے ہیں۔ اس کے علاوہ ۱۶؍ میچوں میں ۷۷۶؍ رنز بنا کر انہوں نے اورنج کیپ بھی اپنے نام کی۔

Swept the field with his skills. Swept the season with awards 🏆

1️⃣5️⃣ years old and already needing a bigger trophy cabinet 👏#TATAIPL | #Final | #TheFinalLeap | #RCBvGT pic.twitter.com/bIYKIHfgRD

— IndianPremierLeague (@IPL) May 31, 2026

اتوار کی رات احمد آباد میں کھیلے گئے فائنل مقابلے میں رائل چیلنجرز بنگلورو نے گجرات ٹائٹنز کو شکست دے کر مسلسل دوسری بار آئی پی ایل کا ٹائٹل اپنے نام کیا، جس کے بعد منعقدہ تقریبِ تقسیمِ انعامات میں سوریا ونشی کو ان اعزازات سے نوازا گیا۔
ٹورنامنٹ میں راجستھان رائلز کو پلے آف تک پہنچانے میں سوریا ونشی نے اپنے بلے سے تباہی مچا دی تھی۔  انہوں نے ایک سیزن میں کرس گیل (۵۹؍ چھکے) کے سب سے زیادہ چھکوں کے تاریخی ریکارڈ کو پاش پاش کر دیا۔سوریا ونشی نے پورے ٹورنامنٹ میں ۳۰ء۲۳۷؍کے شاندار اسٹرائیک ریٹ سے بیٹنگ کرتے ہوئے ۷۲؍ چھکے لگائے اور اس طرح ایک سیزن میں سب سے زیادہ چھکوں کا ریکارڈ قائم کر دیا۔ 

یہ بھی پڑھئے:ریلائنس گروپ نے ایک لاکھ سے زیادہ نئی بھرتیاں کیں

 سوریا ونشی کی اس جادوئی کارکردگی کی بدولت راجستھان رائلز پلے آف میں پہنچی تھی، تاہم نیو چنڈی گڑھ میں کھیلے گئے کوالیفائر-۲؍ میں انہیں گجرات ٹائٹنز کے ہاتھوں شکست کا سامنا کرنا پڑا تھا۔ اورنج کیپ کی فہرست میں دوسرے نمبر پر گجرات ٹائٹنز کے کپتان  سبھ من گل رہے جنہوں نے ۷۳۲؍ رنز بنائے۔
پرپل کیپ کی دوڑ میں کگیسو ربادا سب سے آگے رہے، جنہوں نے ۱۷؍ میچوں میں ۲۹؍ وکٹ حاصل کیں۔ فائنل میں بھونیشور کمار نے دو وکٹیں لے کر عارضی طور پر پرپل کیپ اپنے نام کر لی تھی، تاہم ربادا نے دوسری اننگز میں پڈیکل کو آؤٹ کر کے دوبارہ سبقت حاصل کر لی۔

یہ بھی پڑھئے:’’ہے جوانی تو عشق ہونا ہے‘‘ڈیوڈ دھون کی آخری فلم ہوگی: کرن جوہر

بھونیشور کمار نے۱۶؍ میچوں میں ۲۸؍ وکٹ حاصل کئے ، جو کسی ہندوستانی گیند باز کی جانب سے ایک سیزن میں مشترکہ طور پر دوسری بہترین کارکردگی ہے۔ اس سے قبل ہرشل پٹیل نے ۲۰۲۱ء میں ۳۲؍ اور محمد سمیع  نے  ۲۰۲۳ءمیں ۲۸؍ وکٹ حاصل کئے تھے۔ربادا نے اپنے کریئر میں دوسری مرتبہ پرپل کیپ جیتی اور وہ ان کھلاڑیوں کی فہرست میں شامل ہو گئے جن میں ڈیون بریوو، بھونیشور کمار اور ہرشل پٹیل پہلے ہی شامل ہیں۔