جوارقدرتی طور پر گلوٹین سے پاک، فائبر اور ضروری غذائی اجزاء سے بھرپور ہے، اس لیے اسے روزمرہ کی خوراک میں آسانی سے شامل کیا جا سکتا ہے۔ یہ کئی طرح سے صحت کے لیے فائدہ مند ہے۔

ملیٹس یعنی موٹے اناج جیسے جوار، باجرہ اور راگی غذائیت سے بھرپور ہوتے ہیں۔ ان میں وٹامنز، منرلز، فائبر، آئرن اور پروٹین جیسے ضروری عناصر ہوتے ہیں۔ جوار صحت کے لیے بہت فائدہ مند ہے۔ جوار قدرتی طور پر بلڈ شوگر کو کنٹرول کرنے میں مدد کرتا ہے۔ اس کے علاوہ جوار کو اپنی خوراک میں شامل کرنا وزن کو کنٹرول کرنے، توانائی بڑھانے اور دل کو صحت مند رکھنے میں مدد کرتا ہے۔
 جوار قدرتی طور پر گلوٹین فری، فائبر اور ضروری غذائی اجزاء سے بھرپور ہے، اس لیے اسے روزمرہ کی خوراک میں آسانی سے شامل کیا جا سکتا ہے اور یہ صحت کے لیے فائدہ مند ہوتاہے۔

یہ بھی پڑھیئے:موبائل فون ہمارے لئے ہے یا ہم موبائل فون کیلئے؟

 جوار کھانے کے فائدے 
جوار وٹامنز، منرلز اور فائبر سے بھرپور ہوتا ہے۔ اس میں آئرن، میگنیشیم، فاسفورس اور بی کمپلیکس جیسے غذائی اجزاء پائے جاتے ہیں جو اعصابی نظام کے کام کرنے، ہڈیوں کی مضبوطی اور توانائی کو برقرار رکھنے میں مدد دیتے ہیں۔
جوار چینی کو آہستہ آہستہ چھوڑتا ہے کیونکہ اس کا گلائیسیمک انڈیکس کم ہوتا ہے۔ یہ بلڈ شوگر میں اچانک اضافے کا سبب نہیں بنتا، جو اسے ذیابیطس کے مریضوں اور انسولین کی حساسیت بڑھانے والوں کے لیے ایک اچھا متبادل ثابت ہوتاہے۔ 
جوار وزن کم کرنے میں بہت مددگار ہے۔ اس میں موجود پیچیدہ کاربوہائیڈریٹس آہستہ آہستہ ہضم ہوتے ہیں جس سے آپ کو زیادہ دیر تک بھوک نہیں لگتی اور جسم کو توانائی ملتی رہتی ہے۔ پروٹین اور فائبر سے بھرپور ہونے کی وجہ سے یہ معدے کو زیادہ دیر تک بھرا رکھتا ہے جس سے صحت مند وزن برقرار رکھنا آسان ہوجاتا ہے۔
جوار آنتوں کی صحت کے لیے بھی فائدہ مند ہے۔ یہ فائبر سے بھرپور ہوتا ہے، جو آنتوں کے مائکرو بایوم کو مضبوط کرتا ہے۔ اس کے علاوہ راگی میں موجود پولی فینول اور اینٹی آکسیڈنٹس ہاضمے میں مدد دیتے ہیں اور سوزش کو کم کرنے میں مددگار ہوتے ہیں۔
جوار دل کے لیے بھی بہت فائدہ مند ہے۔ اس میں موجود میگنیشیم اور پوٹاشیم بلڈ پریشر کو متوازن رکھتا ہے  جبکہ فائبر خراب کولیسٹرول (ایل ڈی ایل) کو کم کرتا ہے اور اچھے کولیسٹرول (ایچ ڈی ایل)کو برقرار رکھتا ہے۔یہ دل کی بیماری کے خطرے کو کم کرنے میں مدد کرتا ہے۔