فلسطینی ایگریکلچرل ورک کمیٹیز یونین کے ڈائریکٹر معیاد بشارت نے بتایا کہ اسرائیل جنگ میں ممنوعہ ہتھیار استعمال کررہا ہے جس سے نہ صرف انسانی ہلاکتوں میں اضافہ ہورہا ہے بلکہ فلسطینی مٹی اس قدر جل رہی ہے کہ زہریلی ہوتی جارہی ہے۔ اس سرزمین پر اُگنے والے اناج نسلوں کو مختلف بیماریوں میں مبتلا کرسکتے ہیں۔

ایک فلسطینی اہلکار کے مطابق، اسرائیل کی جانب سے غزہ پر حملوں میں بین الاقوامی سطح پر ممنوعہ گولہ باری کے استعمال سے نہ صرف ہلاکتوں میں اضافہ ہورہا ہے بلکہ زرعی زمین کی پیداواری صلاحیت کو بھی نقصان پہنچ رہا ہے۔ فلسطینی ایگریکلچرل ورک کمیٹیز یونین کے ڈائریکٹر معیاد بشارت نے انادولو کو بتایا کہ ’’اسرائیل نے غزہ میں بین الاقوامی سطح پر ممنوعہ گولہ باری کا استعمال کیا، جیسے سفید فاسفورس، نقصان دہ بم، اور امریکہ کے میزائل۔یہ ہتھیار مستقبل میں اندھے پن، کینسر کے ساتھ ہاتھوں اور پاؤں کے کٹ جانے اور جلد کے جلنے کا سبب بن سکتے ہیں۔یہ مادے مٹی اور اس پر اگنے والی فصلوں کو بھی زہریلا کردیتے ہیں۔‘‘

یہ بھی پڑھئے: ’’غزہ قحط کے دہانے پر نہیں،قحط میں مبتلا ہوچکا ہے ‘‘

انہوں نے نشاندہی کی کہ کسانوں کو ان مواد کے ساتھ رابطے اور براہ راست نمائش کی وجہ سے جلد کے کینسر یا سانس سے متعلق دیگر بیماریوں کا خطرہ لاحق ہو سکتا ہے۔بشارت نے اسرائیل کی طرف سے غزہ میں انسانوں، جانوروں اور ماحول پر ممنوعہ گولہ باری کے استعمال کے منفی اثرات کی طرف توجہ مبذول کرائی۔ انہوں نے کچھ محققین کا حوالہ دیتے ہوئے کہا کہ جن زمینوں میں یہ مادے استعمال کئے جاتے ہیں وہ تین سے پانچ سال تک زراعت کیلئے موزوں نہیں ہوسکتی ہیں یا زیادہ پیداواری نہیں ہوسکتی ہیں۔
بشارت نے مزید کہا کہ ’’ایسے ویڈیوز موجود ہیں جن میں دکھایا گیا ہے کہ اسرائیلی بم ۱۰؍ میٹر تک گہرے گڑھے بناتے ہیں۔ اس لئے مٹی کے جلنے کی ڈگری کا تعین کرنا ناممکن ہے، جس کا مطلب ہے کہ مٹی مکمل طور پر جل چکی ہے اور اپنی پیداواری صلاحیت کھو چکی ہے۔‘‘

متعلقہ خبروں کا لنک

یہ بھی پڑھئے: آئی ایل او کا انتباہ: غزہ اور مغربی کنارہ میں بے روزگاری کی شرح میں ۵۰؍ فیصد اضافہ

یہ بھی پڑھئے: امریکہ: ستر سابق حکام کا صدر بائیڈن کو کھلا خط، اسرائیلی جارحیت بند کرنے کی استدعا

یہ بھی پڑھئے: عرب یوم مادر: خطے نے ماؤں کو یاد کیا، فلسطینی ماؤں کا دردوالم اس دن بھی کم نہ ہوا