اسپین کے معروف فٹ بال کلب ایف سی بارسلونا نے یوئیفا چیمپئنز لیگ کے اہم مقابلے میں شاندار کھیل کا مظاہرہ کرتے ہوئے انگلش کلب ایسٹن ولا کو۰۔۳؍گول گول سے شکست دے دی۔ بارسلونا کی اس کامیابی میں برازیلی اسٹار رافینہ اور نوجوان ہسپانوی کھلاڑی الامین جمال نے کلیدی کردار ادا کیا۔

اسپین کے معروف فٹ بال کلب ایف سی بارسلونا نے یوئیفا چیمپئنز لیگ کے اہم مقابلے میں شاندار کھیل کا مظاہرہ کرتے ہوئے انگلش کلب ایسٹن ولا کو۰۔۳؍گول  گول سے شکست دے دی۔ بارسلونا کی اس کامیابی میں برازیلی اسٹار رافینہ اور نوجوان ہسپانوی کھلاڑی الامین جمال نے کلیدی کردار ادا کیا۔ جمال  نے میچ کے ابتدائی لمحات میں گول کرکے ٹیم کو برتری دلائی، جبکہ دوسرے ہاف میں رافینہ نے لگاتار دو گول کرکے بارسلونا کی فتح یقینی بنادی۔ یہ مقابلہ ۳؍ نومبر کو بارسلونا کے اسپاٹیفائی کیمپ نو اسٹیڈیم میں کھیلا گیا، جہاں بارش کے باوجود شائقین کی بڑی تعداد موجود تھی۔مقابلے کے آغاز سے ہی بارسلونا نے جارحانہ انداز اختیار کیا اور حریف ٹیم کی دفاعی غلطیوں کا بھرپور فائدہ اٹھایا۔ میچ کے ساتویں منٹ میں ایسٹن ولا کے کھلاڑیوں کی جانب سے اپنی پنالٹی کے علاقے میں کی گئی غلط پاسنگ کا فائدہ اٹھاتے ہوئے لامین یامال نے گیند کو جال میں پہنچا دیا۔ اس گول کے ساتھ بارسلونا نے ۰۔۱؍گول کی برتری حاصل کرلی۔

یہ بھی پڑھئے:انیل کپور نے شاہ رخ خان سے پہلی ملاقات اور ’منت‘ سے جڑا قصہ بتایا

جمال کا یہ گول چیمپئنز لیگ کی تاریخ میں ایک اہم سنگ میل بھی ثابت ہوا۔ انہوں نے ۲۰؍ سال کی عمر سے قبل اس مقابلے میں اپنا ۱۴؍واں گول مکمل کرکے کائلین ایمباپے کا ریکارڈ توڑ دیا اور چیمپئنز لیگ میں سب سے زیادہ گول کرنے والے نوعمر کھلاڑی بن گئے۔پہلے ہاف میں بارسلونا کو ۰۔۱؍ کی برتری حاصل رہی، تاہم ایسٹن ولا نے بھی کئی مواقع پر گول کرنے کی کوشش کی۔ مہمان ٹیم کے کھلاڑیوں نے جوابی حملے کیے، لیکن بارسلونا کے گول کیپر خوان گارسیا نے بہترین دفاع کرتے ہوئے حریف ٹیم کو برابری حاصل کرنے سے روک دیا۔

Strong at home. Hungry for more. https://t.co/GpkS0iMUDJ

— FC Barcelona (@FCBarcelona) November 3, 2026

دوسرے ہاف کے آغاز کے بعد بارسلونا نے اپنی گرفت مزید مضبوط کرلی۔ میچ کے ۵۲؍ویں منٹ میں رافینہ نے فیرمین لوپیز کے عمدہ پاس پر شاندار شاٹ لگایا۔ گیند ایسٹن ولا کے دفاعی کھلاڑی پاؤ ٹوریس سے ٹکرا کر جال میں پہنچ گئی اور بارسلونا کی برتری ۰۔۲؍ ہوگئی۔اس کے بعد ۶۴؍ویں منٹ میں رافینہ نے ایک مرتبہ پھر گول کرکے اپنی ٹیم کی برتری۰۔۳؍گول  کردی۔ اس موقع پر ژواو کینسیلو نے بہترین مہارت کا مظاہرہ کرتے ہوئے گیند رافینہ تک پہنچائی، جس پر برازیلی کھلاڑی نے قریب سے گیند کو گول پوسٹ میں پہنچادیا۔ رافینہ کے ان دو گول نے ایسٹن ولا کی مقابلے میں واپسی کی تمام امیدوں کو تقریباً ختم کردیا۔

یہ بھی پڑھئے:یمن کے شہری جنگ کی سفاکانہ قیمت ادا کررہے ہیں،۳؍ لاکھ بے گھر: اقوام متحدہ

 جمال  کی جانب سے کیا گیا ابتدائی گول صرف بارسلونا کی برتری کا سبب نہیں بنا بلکہ اس نے نوجوان کھلاڑی کو چیمپئنز لیگ کی تاریخ میں ایک منفرد مقام بھی دلایا۔ ۱۹؍ سال اور ۱۱۳؍ دن کی عمر میں انہوں نے اس مقابلے میں اپنا ۱۴؍واں گول مکمل کیا اور اس طرح نوعمر کھلاڑیوں میں سب سے زیادہ گول کرنے کا ریکارڈ اپنے نام کرلیا۔ اس سے قبل یہ ریکارڈ فرانس کے کائلین ایمباپے کے پاس تھا، جنہوں نے نوعمری میں چیمپئنز لیگ میں ۱۳ ؍گول کیے تھے۔
رافینہ نے بھی اپنی شاندار کارکردگی سے ایک اہم سنگ میل حاصل کیا۔ ایسٹن ولا کے خلاف دو گول کرنے کے بعد بارسلونا کی جانب سے چیمپئنز لیگ میں ان کے گولوں کی تعداد ۲۳ ؍ہوگئی اور وہ اس معاملے میں رابرٹ لیوانڈوسکی کے برابر پہنچ گئے۔  اس کامیابی کے بعد بارسلونا نے چیمپئنز لیگ کے لیگ مرحلے میں چار مقابلوں سے ۹؍ پوائنٹس حاصل کرلیے اور عارضی طور پر پوائنٹس ٹیبل میں دوسرے مقام پر پہنچ گیا۔ دوسری جانب ایسٹن ولا کو اس سیزن کے یورپی مقابلوں میں پہلی شکست کا سامنا کرنا پڑا۔ اس سے قبل انگلش کلب نے اپنے ابتدائی تینوں مقابلوں میں کامیابی حاصل کی تھی۔