رافیل کالیگنن جمعرات کے روز رولاں گیرو (فرینچ اوپن) میں الٹ پھیر کرنے والے فاتحین کی بڑھتی ہوئی فہرست میں شامل ہو گئے ہیں۔

رافیل کالیگنن جمعرات کے روز رولاں گیرو (فرینچ اوپن) میں الٹ پھیر کرنے والے فاتحین کی بڑھتی ہوئی فہرست میں شامل ہو گئے ہیں۔  جہاں اس بلجیم  کے کھلاڑی نے پانچویں سیڈ یافتہ بین شیلٹن کو۴۔۶، ۵۔۷، ۴۔۶؍سے شکست دے دی۔
اپنے کریئر کی پہلی ٹاپ۵؍کامیابی حاصل کرتے ہوئے، کالیگنن نے شاندار شاٹس لگائے اور دوسری بار کسی میجر ٹورنامنٹ کے تیسرے راؤنڈ میں جگہ بنائی۔ انہوں نے۳۰؍ ونرز لگائے جبکہ صرف ۱۳؍ ان فورسڈ غلطیاں کیں؛ اس طرح انہوں نے ایک ایسے ڈرامائی دن میں ایک اور سنسنی خیز موڑ لا دیا، جس میں ٹاپ سیڈ یانک سنر کی پانچ سیٹوں میں ہار بھی شامل تھی۔

یہ بھی پڑھئے : بی سی سی آئی اے ایس سی یو نے اسمارٹ سن گلاسیزکے استعمال پر روک لگائی

کالیگنن نے جیت کے بعد کہاکہ ’’میں شروع سے آخر تک بہت مضبوط اور مستقل مزاج رہا۔ میں جس طرح آج کھیلا، اس سے میں سچ مچ بہت خوش ہوں۔ میں شروع سے آخر تک پوری طرح میچ میں ڈوبا ہوا تھا۔ مجھے معلوم تھا کہ مجھے ریٹرنز پر اچھا مظاہرہ کرنا ہوگا، اس لیے مجھے اس پر توجہ دینی تھی۔ مجھے پتہ ہے کہ جب میں توجہ مرکوز کرتا ہوں، تو میں اچھی سروس کرتا ہوں، یہی میری سب سے بڑی طاقت ہے۔ میں نے ہر موقع کا فائدہ اٹھایا اور ہر بار صحیح وقت پر بریک حاصل کیا۔ اگر میں اتنا پرسکون نہ رہتا، تو میں یہ میچ نہیں جیت پاتا۔‘‘
۲۴؍سالہ کالیگنن کا اس سیزن میں تمام سطحوں پر میچوں کا ریکارڈ۸۔۲۷؍ رہا ہے۔ کالیگنن کا اگلا مقابلہ اٹلی کے ماتیو ارنالڈی سے ہوگا، جنہوں نے ۲۰۲۱ء کے فائنلسٹ اسٹيفانوس ستسیپاس کو۶۔۷،۷۔۵، ۲۔۶، ۳۔۶؍ سے ہرایا۔

یہ بھی پڑھئے : آرسی بی نے گجرات کو ۹۲؍ رن سے شکست دی

جمعرات کو جب کھیل کا آغاز ہوا تو ورلڈ نمبر وَن  سنر اور نمبر ۵؍ شیلٹن ڈرا کے اوپری حصے میں اہم توجہ کا مرکز تھے۔ لیکن پیرس میں ایک اتھل پتھل بھرے دن کے بعد، ورلڈ نمبر ۲۲؍ فرانسس تیافو اب اس اوپری حصے میں سب سے اونچی رینکنگ والے کھلاڑی بن گئے ہیں۔ پانچویں سیڈ فیلکس آگر-الیاسیمے اور ۱۰؍ویں سیڈ فلاویو کوبولی ہی ڈرا کے اوپری آدھے حصے میں بچے ہوئے ٹاپ۱۰؍ سیڈ کھلاڑی ہیں۔

یہ بھی پڑھئے : گل نے اعتراف کیا کہ جی ٹی کی گراؤنڈ فیلڈنگ امیدوں کے مطابق نہیں تھی

تیافو بھی خود ایک مشکل صورتحال سے بال بال بچے۔ انہوں نے سابق نمبر ۶؍ ہیوبرٹ ہرکاز کو چار گھنٹے ۴۳؍ منٹ تک چلے مقابلے میںکامیابی حاصل کی۔ ہرکاز نے ۴۳؍ایسز لگائے، لیکن پچھلے سال کے کوارٹر فائنلسٹ تیافو نے اس زوردار حملے کا ڈٹ کر سامنا کیا اور پانچویں سیٹ میں ۴۔۵؍  کے اسکور پر ایک فیصلہ کن بریک  حاصل کیا۔