ارجنٹائنا کے اسٹار فٹ بالر لیونل میسی اپنے کیریئر کے ایک اور تاریخی سنگ میل کے بالکل قریب پہنچ گئے ہیں۔ ہفتے کے روز بالٹی مور میں کھیلے گئے میجر لیگ ساکر ( ایم ایل ایس) کے میچ میں انٹر میامی نے ڈی سی یونائیٹڈ کو۱۔۲؍گول سے شکست دے کر سیزن کی دوسری فتح حاصل کر لی۔

ارجنٹائنا کے اسٹار فٹ بالر لیونل میسی اپنے کیریئر کے ایک اور تاریخی سنگ میل کے بالکل قریب پہنچ گئے ہیں۔ ہفتے کے روز بالٹی مور میں کھیلے گئے میجر لیگ ساکر ( ایم ایل ایس) کے میچ میں انٹر میامی نے ڈی سی یونائیٹڈ کو۱۔۲؍گول  سے شکست دے کر سیزن کی دوسری فتح حاصل کر لی۔
اس میچ میں میسی نے اپنا۸۹۹؍واں کیریئر گول اسکور کیا، جس کے بعد وہ ۹۰۰؍ گولز کا جادوئی ہندسہ عبور کرنے سے محض ایک قدم دور رہ گئے ہیں۔میچ کا آغاز انٹر میامی کے حق میں رہا۔ دفاعی چیمپئن میامی نے ۱۷؍ ویں منٹ میں اس وقت برتری حاصل کی جب میسی کے ہم وطن کھلاڑی روڈریگو ڈی پال نے ڈی ایریا کے باہر سے ایک شاندار کرلنگ شاٹ کے ذریعے گیند کو جال میں پہنچایا۔

Three points secured 💪💗 pic.twitter.com/hVYu4fVKwa

— Inter Miami CF (@InterMiamiCF) March 7, 2026

صرف ۱۰؍ منٹ بعد، ۲۷؍ ویں منٹ میں میسی نے میٹیو سلویٹی کے بہترین تھرو بال پر گول کیپر شان جانسن کے اوپر سے گیند کو چِپ  کرتے ہوئے ٹیم کی برتری دوگنی کر دی۔ ڈی سی یونائیٹڈ کی جانب سے ۷۵؍ ویں منٹ میں تائی باریبو نے ایک گول کر کے واپسی کی کوشش کی، لیکن میامی نے آخر تک اپنی برتری برقرار رکھی۔
۸؍ بار بیلین ڈی اور ( بیلن ڈی اوور) جیتنے والے میسی، جو رواں سال جون میں ۳۹؍ برس کے ہو جائیں گے، کے گولز کی تفصیل کچھ یوں ہے۔ بارسلونا: ۶۷۲؍ گول،ارجنٹائنا (انٹرنیشنل): ۱۱۵؍  گول، انٹر میامی: ۸۰؍ گول، پیرس سینٹ جرمین (پی ایس جی ): ۳۲؍ گول۔

یہ بھی پڑھئے:انسٹاگرام پر وجے دیوراکونڈا اور رشمیکا مندانا کی شادی کا ویڈیو ریکارڈ بنانے میں کامیاب

عظیم آسٹریلیائی کپتان ایلیسا ہیلی کا  ہندوستان کے خلاف فتح کے ساتھ کیریئر تمام
 آسٹریلیائی خواتین کرکٹ ٹیم کی مایہ ناز کپتان اور مڈل آرڈر بیٹر ایلیسا ہیلی نے انٹرنیشنل کرکٹ سے ریٹائرمنٹ کا باضابطہ اعلان کر دیا ہے۔  ہندوستان کے خلاف ہوم سیریز کے آخری ٹیسٹ میچ میں ۱۰؍ وکٹوں کی شاندار فتح ان کے شاندار کیریئر کا آخری بین الاقوامی میچ ثابت ہوئی۔

یہ بھی پڑھئے:ٹی۲۰؍ ورلڈ کپ فائنل: ہندوستانی خواتین ٹیم نے ٹیم انڈیا کا حوصلہ بڑھایا

میچ کے اختتام پر جذباتی مناظر دیکھنے کو ملے جب آسٹریلیائی کھلاڑیوں نے اپنی عظیم کپتان کو خراجِ تحسین پیش کرنے کے لیے کندھوں پر اٹھا کر گراؤنڈ سے رخصت کیا۔ ایلیسا ہیلی نے سیریز کے آغاز پر ہی واضح کر دیا تھا کہ ہندوستان کے خلاف یہ آل فارمیٹ سیریز ان کے کیریئر کا آخری معرکہ ہوگی۔ ایلیسا ہیلی کا شمار دنیا کی کامیاب ترین وکٹ کیپر بیٹرز اور کپتانوں میں ہوتا ہے۔ ان کے اعداد و شمار ان کی مہارت کی گواہی دیتے ہیں۔