اِن دنوں درجۂ حرارت میں اضافہ ہوگیا ہے اور شدید گرمی پڑ رہی ہے۔

اِن دنوں درجۂ حرارت میں اضافہ ہوگیا ہے اور شدید گرمی پڑ رہی ہے۔ جس کی وجہ سے انسانی جسم ڈی ہائیڈریٹ، تھکا ہوا اور بے سکونی محسوس کرتا ہے۔ اس صورت میں جسم کو ہائیڈریٹ رکھنا بے حد ضروری ہے۔ آج اس کالم میں پانچ غذاؤں کے بارے میں بتایا جا رہا ہے جو جسم کو اندر سے تازگی فراہم کرتی ہیں:

(۱) کھیرا:

اس میں ۹۵؍ فیصد پانی ہوتا ہے جو جسم میں پانی کی کمی کو پورا کرتا ہے۔ اسے کھانے سے ہاضمہ درست رہتا ہے اور تازگی محسوس ہوتی ہے۔ اسے سلاد کے طور پر کھائیں۔

یہ بھی پڑھئے: اچار جلد خراب کیوں ہوجاتا ہے؟ جانئے کیا کریں، کیا نہ کریں

(۲) ناریل پانی:

یہ ایک نیچرل الیکٹرولائٹ ڈرنک ہے، جو بہت زیادہ پسینہ نکلنے کی صورت میں جسم سے کھو جانے والی معدنیات کی کمی کو پورا کرتا ہے۔ یہ شوگری مشروبات کا بہترین متبادل ہے۔ اس پینے سے جسم توانا اور چست رہتا ہے۔

(۳) دہی:

اس کی تاثیر ٹھنڈی ہوتی ہے جو معدے کی مجموعی صحت کیلئے مفید ہے۔ دہی ہاضمہ درست کرتا ہے۔ اسے ایسے ہی یا رائتہ کی شکل میں کھائیں۔ خیال رہے کہ یہ گرم موسم میں جسم کو سکون بخشنے میں بھی مدد کرتا ہے۔

یہ بھی پڑھئے: گرمی کا موسم اور میک اَپ: چند کارآمد باتیں

(۴) پودینہ:

اس میں موجود مینتھول خصوصیت جسم کو فوراً ٹھنڈک پہنچاتا ہے۔ اسے لیموں پانی، چھاچھ یا چٹنی کے طور پر استعمال کیا جاسکتا ہے۔ پودینہ پکوان میں ذائقہ بڑھانے کے ساتھ ساتھ تازگی بھی فراہم کرتا ہے۔

(۵) مٹکے کا پانی:

مٹی کے برتن میں جمع کیا ہوا پانی فریج کے بغیر قدرتی طور پر ٹھنڈا رہتا ہے۔ یہ نہ صرف جسم کو تروتازہ کرتا ہے بلکہ مٹی کا لطیف ذائقہ بھی شامل کرتا ہے اور متوازن درجۂ حرارت کو برقرار رکھنے میں مدد فراہم کرتا ہے۔

یہ بھی پڑھئے: اِن خواتین نے سماج کی بہتری کیلئے خود کو وقف کر دیا

خلاصہ:

اس موسم میں بیمار پڑنے سے بچنے کے لئے دھوپ سے بچنے کے ساتھ ساتھ جسم کو ضروری غذائیت فراہم کرنا بھی ضروری ہے۔ اپنی ڈائٹ میں جسم کو ٹھنڈی اور ہائیڈریٹ رکھنے والی غذائیں شامل کریں تاکہ آپ کا جسم دن بھر تروتازہ رہیں۔ صحت کے معاملے میں سادہ اصول اپنائیں اور جسم کو ہائیڈریٹ رکھیں۔